Popular Bible Verses from Yohana 8

Share

Pwʉ ʉYɨɨsʉ akagendelela ʉkʉtsova ikange nɨ kɨpʉga kɨlya akata, “Ʉne neene ndikʉvapa ʉlʉmuli avaanu va mu kɨlʉnga. Ʉmuunu ʉvaveetsaga ʉvɨ ikʉngʼonga ʉne, nalagende lʉsiku mu ngʼiisi, apeene iveetsaga nʉ lʉmuli ʉlwʉ lukʉndongolela kʉ wʉʉmi wa sikutsooni.”

ikange mukʉvʉmanyaga ʉwajɨlweli. Pwʉ kʉ nzɨla jya wajɨlweli ʉwa, ʉNgʉlʉve jiikʉvavɨɨka vavopolwa.”

Pwʉ ʉYɨɨsʉ akavavʉʉla aVayahudi valya avaamwɨdiike akata, “Ɨngave mukʉgakonga amamenyu gango, mwiva vakongi vango va jɨlweli

Pwʉ ndɨ Mwana va Ngʉlʉve ndɨngavavopole ʉkʉhʉma mu mbiivi tsiinyo, namukaave vavanda ikange, apeene mwiva vavopolwa jɨlweli.

Aveene wʉ vigendelela ʉkʉmbʉʉtsa, pwʉ ʉYɨɨsʉ akiinamuka akavaanda akata, “Ɨngave pwale mpamato pagati paanyie, ʉvɨ nagelili ʉkʉvomba imbiivi, vɨ atengʉle ʉkʉntika nɨ liganga ʉnʼdala ʉjʉ.”

ɄYɨɨsʉ akavaanda akata, “Jɨlweli ndikʉvavʉʉla ʉkʉta, ʉmuunu ʉvaveetsaga ʉvɨ igendelela ʉkʉvomba imbiivi, imbanda va mbiivi.

Pwʉ ʉYɨɨsʉ akiinamuka, akambʉʉtsa akata, “Jyʉva, valɨ ndaku avakʉleetile ʉhɨgwe? Ndeeti, nakʉli ʉvaveetsaga ʉvɨ asigye pakʉta akʉhɨge?” Akamwanda akata, “Gwe Ntwa, nakʉli nʉ mpamato.” Pwʉ ʉYɨɨsʉ akambʉʉla akata, “Najyʉne nandɨkakʉhɨge. Lɨno lʉtaga, ʉkʉhʉma ɨleelo, wɨlekelwe ʉkwandɨsa ʉkʉvomba imbiivi.”