Popular Bible Verses from San Juan 14

Share

‘Ahávo aheja peẽme py'aguapy. Ame'ẽ peẽme pe che py'aguapy, name'ẽi peẽme yvypóra kuéra ome'ẽ háicha. Ani pejepy'apy terã pekyhyje.

Jesús he'i ichupe: --Che ha'e pe tape, ha che ha'e pe añete ha che ha'e avei pe tekovete. Che rupi mante ikatu oñeguahẽ che Ru rendápe.

‘Ani pejepy'apy. Pejerovia Tupã Ñandejára rehe ha pejerovia avei che rehe.

pe Espíritu Santo, che Ru omboútava che rérape Pytyvõhára ramo katu pene mbo'e ha pene momandu'a vaerã opa umi mba'e che ha'e va'ekue peẽme rehe.

Upe oikuaáva ha ojapóva che rembiapoukapy, ohechauka añetehápe che rayhuha. Ha che Ru ohayhu vaerã pe chéve che rayhúvape, ha che ahayhu vaerã avei ha ajechauka vaerã ichupe.

Ha che ajeruréta che Rúpe, ha ha'e omboúta peẽme ambue Pytyvõhára, pe Espíritu añetegua, opyta haguã penendive tapia guarã. Yvypóra kuéra ndaikatúi orecibi ichupe ndaikatúigui ohecha terã oikuaa ichupe; peẽ katu peikuaáma ichupe oikógui penendive ha opytátagui pende pype tapia guarã.

Ha opa peẽ pejeruréva che rérape, che ajapo vaerã, pe Túva oñemomba'eguasu haguã pe Ta'ýra rupi. Che ajapo vaerã oimeraẽva mba'e peẽ pejeruréva che rérape.

‘Peẽ che rayhu ramo pejapo pe che ha'éva peẽme.

Che Ru rógape oĩ heta rendaguã, upeicha'ỹ rire, che ha'éma vaerã mo'ã peẽme. Upéicharamo, aháta ambosako'i pene rendaguã.

Ha aha ha ambosako'i rire pene rendaguã aju jevýta pogueraha haguã chendive, upéicharamo peẽ peiméta pe che aimetahapete.

Tomás he'i ichupe: --Ore Jára, ndoroikuaái niko mamópa rehóta, ¿mba'éicha piko roikuaáta pe tape?