Popular Bible Verses from San Juan 6

Share

Ha Jesús he'i ichupe kuéra: --Che ha'e pe pan oporomoingovéva. Pe oúva che rendápe, máramo na iñembyahýi va'erãi; ha pe ojeroviáva che rehe, máramo nda ijyuhéi va'erãi.

Pe oporomoingovéva niko pe espíritu; pe tete ha'eño ndovaléi mba'everã. Ha ko'ã mba'e che ha'éva peẽme niko mba'e añete espíritu rehegua ha ñe'ẽ oporomoingovéva.

Anína pemba'apo pe tembi'u opa vaerã rehe, pemba'apóna pe tembi'u opa'ỹva ha pene moingove vaerã tapia guarã rehe uvei. Upéva ha'e pe tembi'u che, Kuimba'éicha aju va'ekue yvy ári, ame'ẽ vaerã peẽme, Tupã Ñandejára, che Ru, ome'ẽgui chéve autoridad upevarã.

Pe che mbou va'ekue rembipota niko kóva, opa umi oma'ẽva guive pe Ta'ýra rehe ha ojeroviáva hese, toikove tapia guarã; ha che amoingove jevýta pe ára pahápe.

Jesús he'i ichupe kuéra: --Tupã Ñandejára oipota pejerovia pe ha'e ombou va'ekue rehe.

Opa umi che Ru ome'ẽva chéve, ou che rendápe; ha namosẽi chéne umi oúvape che rendápe.

Simón Pedro he'i ichupe: --Ore Jára, ¿máva rendápe piko rohóta? Ne ñe'ẽ niko ñe'ẽ oporomoingovéva tapia guarã.

Chete voi ha'e pe pan oikovéva oguejy va'ekue yvágagui; upe pan ho'úva oikovéta tapia guarã. Ko pan che ame'ẽva niko chete voi; che ame'ẽta che rete yvypóra kuéra rekove rehe.

Avavéko ndaikatúi ou che rendápe ogueru'ỹ ramo ichupe pe che Ru che mbou va'ekue; ha che amoingove jevýta pe ára pahápe.

Pe Tupã Ñandejára pan niko pe oguejy va'ekue yvágagui ha omoingovéva yvypóra kuérape.

Che ha'e pe pan oporomoingovéva.

Upéi Jesús ojapyhy ipópe umi pan ha ome'ẽ rire las gracias Tupã Ñandejárape, ome'ẽ hemimbo'e kuérape, ha hemimbo'e kuéra ome'ẽ umi gente oguapy va'ekue hínape. Upéicha avei ojapo umi pira reheve oipota háicha hikuái. Ha hyvatãmbáma ramo katu Jesús he'i hemimbo'e kuérape: --Pembyaty umi ipesengue hemby va'ekue, ani haguã oñehundi mba'eve.

Ha oho rire hikuái cinco terã seis kilómetros rupi, ohecha sapy'a Jesúspe oguataha oúvo pe ý ape ári ha oñemo'aguĩha pe bárcogui ha okyhyje joa hikuái. Jesús katu he'i ichupe kuéra: --¡Ani pekyhyje, chénteko!