Popular Bible Verses from Luka 6

Share

Nyɛ ha, nɛ a ma ha nyɛ; susumi nɔ́ kpakpa nɛ a nyɛ nɔ nɛ a mimiɛ nɛ e hyi kɛ be nɔ nihi ma ngɔ pue nyɛ tɛ nɔ; ejakaa susumi nɔ́ nɛ nyɛɛ kɛ susuu ɔ, lɔɔ a maa kpale ngɔ susu ha nyɛ.”

Nɔmlɔ kpakpa jeɔ nɔ́ kpakpa kɛ jee e tsui mi juetli kpakpa a mi, nɛ nɔmlɔ yayami hu jeɔ nɔ́ yaya kɛ jee e tsui mi juetli yaya a mi, ejakaa nɔ́ nɛ hyi nɔmlɔ tsui kɛ be nɔ ɔ, lɔ ɔ e nya deɔ.”

Mohu nyɛɛ suɔ nyɛ henyɛli, nɛ nyɛɛ pee kpakpa nɛ nyɛɛ pa nɛ nyɛ ko hyɛ nɔ́ ko blɔ kulaa, nɛ nyɛ hiɔwo maa hiɛ, nɛ nyɛ ma plɛ Hiɔweno ɔ bimɛ, ejakaa e muklii mi jɔɔ haa tlumuhi kɛ nimli yayamihi.

Nyɛɛ na mɔbɔ, kaa bɔ nɛ Nyɛ Tsɛ ɔ hu naa mɔbɔ ɔ.”

“Nyɛ ko kojo konɛ a ko kojo nyɛ; nyɛ ko bu fɔ, konɛ a ko bu nyɛ fɔ; nyɛ kɛ pa, nɛ a kɛ maa pa nyɛ.

“Se nyɛ nihi nɛ nyɛ ngɛ tue bue nɛ ɔ, i ngɛ nyɛ dee ke: Nyɛɛ suɔ nyɛ henyɛli; nyɛɛ pee nihi nɛ nyɛɛ nyɛ ɔ kpakpa. Nyɛɛ gbaa nihi nɛ gbiɛɛ nyɛ; nyɛɛ sɔle ha nihi nɛ waa nyɛ yi mi.

Nɛ bɔ nɛ nyɛ hlaa kaa nihi nɛ pee ngɔ ha nyɛ ɔ, nyɛ hu nyɛɛ pee ja nɔuu ngɔ ha mɛ.

Nɔ nɛ ma gba o tue kake mi ma a, plɛ kake ɔ hu ngɔ ha lɛ; nɛ nɔ nɛ ma kpɔ o nɔ bɔ ɔ, koo nyɛ lɛ o gugue tade ɔ hu he. Nɔ tsuaa nɔ nɛ baa mo nɔ́ ko ɔ, ha lɛ; nɛ nɔ nɛ ma kpɔ o nihi ɔ, ko bi lɛ hu.

“Ejakaa tso kpakpa ko be nɛ woɔ yiblii yaya, nɛ jeha nɔ hu tso yaya ko hu be nɛ woɔ yiblii kpakpa.

Ejakaa tso tsuaa tso nitsɛ yiblii a kɛ leɔ lɛ: Ejakaa a la we ngmɔkɔ ngɛ zezlehi a nɔ, nɛ pohu a la we wai yiblii ngɛ mio tsohi a nɔ.