Popular Bible Verses from Lugaa 9

Share

Yesu aengx gorngv mbuox ninh mbuo yietc zungv, “Haaix dauh oix gan yie mingh oix zuqc siev jienv ninh ganh. Hnoi-hnoi oix zuqc ndaam jienv ninh nyei ziepc nzaangc jaax gan yie mingh.

Haaix dauh kungx hnamv njoux ninh ganh nyei maengc hnangv, wuov dauh nyei maengc ziouc zuqc guangc. Mv baac haaix dauh weic yie guangc ninh nyei maengc, wuov dauh ziouc njoux duqv ninh nyei maengc.

Yesu gorngv, “Haaix dauh nanv jienv laih bieiv laih lingh mv baac ninh huin nzuonx mangc nqa'haav, wuov dauh maiv puix yiem Tin-Hungh nyei guoqv.”

Haaix dauh duqv nzengc lungh ndiev nyei ga'naaiv mv baac ninh ganh zuqc mietc, wuov dauh duqv haaix nyungc maaih lamh longc?

Haaix dauh nyaiv yie yaac nyaiv yie njaaux nyei waac, yie, Baamh Mienh nyei Dorn, caux yie ganh nyei njang-laangc yaac caux Zaangc Diex caux cing-nzengc fin-mienh nyei njang-laangc daaih wuov zanc, yie ziouc nyaiv wuov dauh.

Yesu gorngv mbuox ninh, “Hieh juv maaih kuotv yiem, norqc yaac maaih lauz, mv baac yie, Baamh Mienh nyei Dorn, maiv maaih dorngx bueix hitv kuonx.”

yaac gorngv mbuox ninh mbuo, “Haaix dauh dengv yie nyei mbuox zipv naaiv dauh faix nyei fu'jueiv, wuov dauh yaac zipv yie. Haaix dauh zipv yie yaac zipv paaiv yie daaih wuov dauh. Hnangv naaic, yiem meih mbuo nyei mbu'ndongx, haaix dauh zoux gauh faix jiex, wuov dauh duqv zoux gauh hlo jiex.’