Popular Bible Verses from - उत्पत्ति 32

Share

ऊने कई, “तोरो नाओं अब सें याकूब नईं, परन्‍त इस्राएल हुईये, कायसे तें यहोवा परमेसुर सें और मान्‍सन सें भी लड़कें प्रबल भओ आय।”

तब ऊने कई, “मोहों जान दे, कायसे भुन्‍सारो होबेवारो आय,” याकूब ने कई, “जब लौ तें मोहों आसीरवाद नें दैहै, तब लौ मैं तोहों जाबे नें दैहों।”

याकूब खुद अकेलो रै गओ; तब कोऊ मान्‍स आकें भुन्‍सारे होबे लौ ऊसें कुस्‍ती लड़त रओ।

तब याकूब ने जौ कहकें ऊ जागां कौ नाओं पनीएल रखो; “यहोवा परमेसुर हों आमूं-सामूं हेरबे पै भी मोरो प्रान बच गओ आय।”

जब ऊनें हेरो कि मैं याकूब पै हावी नईं हो पाहों, तब ऊकी जांघ की नस हों ऐंच दओ, ईसें याकूब की जांघ की नस कुस्‍ती लड़तई लड़त चढ़ गई।

ऊने याकूब सें पूंछो, “तोरो नाओं का आय?” ऊने कई, “याकूब।”

याकूब ने कई, “मैं बिनती करत आंव, मोहों अपनो नाओं बता।” ऊने कई, “तें मोरो नाओं काए पूंछत आय?” तब ऊने ऊहों उतईं आसीरवाद दओ।

तेंने जो-जो काम अपनी दया और सच्‍चाई सें अपने दास के संगै करे आंय, कि मैं जो अपनी लठिया हों लैकें ई यरदन नदिया के पार उतर आओ, और अब मोरी दो टोली हो गई आंय; तोरे एैसे-एैसे कामों में सें मैं एक के भी जोग तौ नईं आंव।

इस्राएली जो पसुओं की जांघ हों जोड़बेवारी जंघानस हों आज के दिना लौ नईं खात, ईकौ कारन जौई आय कि ऊ मान्‍स ने याकूब की जांघ के जोड़ में जंघानस हों छुओ हतो।

फिन याकूब ने कई, “हे यहोवा परमेसुर, हे मोरे दादा अब्राहम के परमेसुर, हे मोरे बाप इसहाक के परमेसुर, तेंने तौ मोए सें कओ हतो कि अपने देस और कुटम्बियों में लौट जा, और मैं तोरो भलो करहों।

मोरी बिनती सुनकें मोहों मोरे भईया एसाव के हाथ सें बचा; मैं तौ ऊसें डरत आंव, कहूं एैसो नें होए कि ऊ आकें मोहों और मताई समेंत बच्‍चों हों भी मार डाले।