Popular Bible Verses from - यूहन्‍ना 10

Share

भड़या भड़याई करबे, मार डालबे और नास करबे हां आत आय। मैं ई लाने आओ हों, कि बे जीवन पाबें और बिलात भरपूरी से पाबें।

उमदा गड़रिया मैं आंव; उमदा गड़रिया अपनी गाड़रन के लाने अपनो प्राण देत आय।

मोरी गाड़रें मोरो एैरो सुनत आंय, मैं उन हां चीनत आंव, और बे मोरे पाछें पाछें निगत आंय।

मैं उन हां अनन्त जीवन देत आंव, बे कभऊं नास नईं हुईंयें, और उन हां मोरे हाथन से कोऊ नईं छीन सकत।

द्वार मैं आंव: जदि कोऊ मोरे द्वारा भीतर पिड़त आय तो बो उद्धार पा है, और भीतरे और बायरै आ है, जा है और चारा पा है।

उमदा गड़रिया मैं आंव; मैं अपनी गाड़रन हां चीनत आंव, और मोरी गाड़रें मोय चीनत आंय।

मोरो बाप, जीने उन हां मोय दओ आय, सब से बड़ो आय, और कोऊ भी उन हां बाप के हाथन से नईं छिना सकत। मैं और बाप एकई आंय।

वैसई जैसो बाप मोय चीनत आय, और मैं बाप हां चीनत आंव, और मैं गाड़रन के लाने अपनो प्राण देत आंव।

कोई ऊहां मोय से नईं छीनत, पर मैं ऊहां अपने आपई देत आंव: मोय ऊहां देबे को हक भी आय, और फिन ले लेबे कौ भी हक आय: जौ हुकुम मोय अपने बाप से मिलो आय।

तब यीशु ने उन से फिन कई, मैं तुम से सांची सांची कहत आंव, कि गाड़रन कौ द्वार मैं आंव।

बो जौन मजूर आय, गड़रिया नईंयां और न गाड़रन कौ मालक आय, बिघना हां आत देख, गाड़रन हां छोड़ के भाग जात आय, और बिघना लपक के उन हां इते उते कर देत आय।

मैं तुम से सांची कहत आंव, कि जौन दोरे से गाड़रन के बाड़े में नईं पिड़त, परन्त दूसरी कोद से लांघ जात आय, बो भड़या और डाकू आय।