Popular Bible Verses from Marcos 7

Share

Ì sulu bikeitseke a' tö, trë, akblè, s'ttèwa̱, se̱newa̱bak dalöse̱wè̱wa̱, o̱'ka íyi kkechè, ì ko̱s sulu wamblè, s'male̱pa wöyuè, s'male̱pa wörieikè, ukyëne, ñì chè suluë, e̱' ttsèka̱, ì ko̱s dör yësyësë ese watèttsa̱, íyi ese ko̱s tskirke a' e̱r a̱ e' tö a' ia'we̱raë ñáie.

Ì ñeke a' tö e' kë̀ tö a' ia'we̱pa ñáie Skëköl wöa̱. Erë ì sulu wambleke a' tö tskirke a' e̱r a̱ ese je' tö a' ia'we̱raë ñáie.

Ie' tö ie'pa iu̱té: —Buaë Isaías tö a' e̱' ö̀ sulu e'pa yë' mik ie' tö iyë': ‘Skëköl tö ichè: Pë' ikkëpa tö ye' dalöiè kkö̀ ë̀ wa, erë ie'pa e̱r tso' ka̱mië ye' yöki̱.

Ë́ ichökle ie'pa mi'ke ye' wé a̱ ye' dalöiök. Ttè wa ie'pa s'wöbla'we̱ke e' dör s'ditsö ttè dalöiëno ë̀.’ Es Isaías tö iyë'a̱t.

A' tö Skëköl ttè watéttsa̱ s'ditsö se̱r e' ttè dalöioie.