Popular Bible Verses from Jean 15

Share

“Nin nit iteritakosin cweminatikw, kirawaw tca otikona. Anahwe ka witcewitc, kaie nin e witcewak, micta miro totam. Kecpin meka aka nin e witcewitakok, nama kekocic ki ka ki totenawaw.

Mocak witcewocikw, mia nin mocak e witcewitakok. Otikon wircike nama ki nitawikihew cwemina, kecpin aka e aniskocik cweminatikok. Ekoni peikon kaie kirawaw ke iciwepasiekw, kecpin aka tapwe witcewiekwe.”

Kecpin witcewiekwe, kaie kanaweritamekwe nititewin kitehiwak, ki ka ki nataweritenawaw wa ici nataweritamekw, ki ka tca mirikowinawaw.

Namaiew kirawaw ka ki orapamiekw, aric nin ni, ka ki orapamitakok. Ki ki miritinawaw kitci nta miro totamekw, kitci pakitinamekw miro totamowin mocak ke mirwacik. Ki ka tca mirikowaw Notawi kaskina ke ici nataweritamawekw, niticinikasowin otci.

Nama awocamec kata ki totam awik kitci wapatahiwetc e apitc sakihatc okwimesa, e nipotc wirawaw otci.

Kickikaham kaskina notikoniw aka ka ici nitawikitaritci cwemina. Aric wewerita ocitaw anihi kotakihi notikoniw kitci mirwacinik, neta ka ici mirokitcik cweminak. Kickikaham aniheriw ka maratanik, kirawe kiapatc nipara cwemina kitci ki nitawikiritci.

Enko ohwe nitirakonikewin: sakihitokw, kotc e asitci sakihitakok.

E miro totamekw mia otikon ka miro nitawikihatc cwemina, ki wapatahiwanawaw tapwe e nosanehwiekw. Ekota tca ka otci kiskeritakok e icperitakositc Notawi.

“Nin tapwe cweminatikw e iteritakosian. Notawi, enko anahwe kitike iriniw, cweminatikoriw ka mitatc.

Anahwe aka ka witcewitc kata orowepinakaniwiw, mia otikon e ki kickikahikatek e iteritakositc, nac e pasotc. Anihi otikona e pacteki mawotcitakaniwono e tca matcictehikatek.

“Wetci witamatakok ohwe, kitci ki ni mireritamekw, mia mitowi nin ka apitc mireritaman, tekaci kaie kitci mireritamekw.

Kecpin e sapitamekw nitirakonikewin, ki tacikanawaw nisakihiwewinik, mia mitowi nin e ki sapitowak Notawi otirakonikewin, mocak kaie e tacikewak osakihiwewinik.”

Enko tca ohwe ka witamatakok kitci itotiskeiekw: kitci sakihitoekw.”

Kecpin ki tiperitakosiekw ota askik, e ki nosanetaiekw matci meskanaw, ki ta sakihikowinawaw ota askik, osam e nosanetaiekw. Aric ki ki orapamitinawaw kaie ki ki otci wikotcihitinawaw matci meskanak ota askik. Nama tca aci ki tiperitakosinawaw ota. Ekoni wetci cikerimikoiekw ota askik.