Popular Bible Verses from Luc 12

Share

Nisawikw tca kaie kirawaw kitci nanakatcihitisoekw. Anahwe meka Ka ki pe iriniwihitisotc kata pe icaw apitc mia aka e iteritamekw kitci takocik.”

Kirawe nanto kiskeritamokw Kice Manito Okimawin. Ki ka mirikowaw kaie kotakeriw ke wi ici apatcitaiekw kitci otci pimatisiekw.”

Minawatc ki itew Cecoc, kaskina awiriw e aimihatc: “Aiekwamisikw! Nanakatcihitisokw aka orina kitci sakitaiekw kekocic e ici takok askik. Nama tepirak okekocicima kata otci pimatisiw iriniw, misawatc e micta micikitatc.”

Neta meka e ici takok kimicikitawiniwaw, enko anihe ke kicteritamekw kitehiwaw.”

Awin neta e taciekw ke ki kackitatc kitci rikitatc opimatisiwin irikik e acterik kitci pimatisitc, tepirak e arimeritak e mamitoneritak ke ki isparinik?

Minawatc itew Cecoc owitcewakana: “Ekoni wetci ititakok: Aka arimeritamokw e mamitoneritamekw ke mitciekw kitci otci pimatisiekw, aka kaie kitci takok ke owikasimiekw.

Kaie kirawaw, e apitc miro kiskerimitakw, kaie e apitc miro nakatawerimitakw, wawatc kiskeritam tan e tatinik kirisisiwariw. Akawir tca koctatcikw. Tato nta e taciekw kirawe kicteritakosiw patok pirecicak e mitcetitcik.”

“Aka sekisikw, nimaritcenicimak! Mireritam meka Kotawiwaw kitci miritakw Okimawin kitci tiperimitakw.

Kanawapamakok kotc ahasiwok. Nama matce kitikewok. Nama kaie mawotcitawok kitikaniw. Nama takoniw ke ici nahikakik kekociciriw. Nama kaie takoniw actasokiwamiriw. Peikon acamikowok Kice Manitowa. Kirawe kirawaw ki kicteritakosinawaw patok pirecicak.

Aka tca mocak micta arimihitisokw e nantowapatamekw ke mitciekw kirika ke minikweiekw.

Ocitaw Kice Manito kitci mirwacinik wapikoniriw askik e nitawikinik, misawatc tepirak memacic e pimatisimakanik, wapake tca ke motcictewepinikaterik. Kirawe kirawaw ki ka miro wespitikowaw patok anihi wapikoniriw e asitci miro wespitatc! Wesa nama micaw kit asperimowiniwaw!

Kaskina ka katakaniwok kata nokotakaniwon, kaie kaskina aka ka kiskeritcikatek kata kiskeritakon.