Popular Bible Verses from Medhetethi 49

Share

Merinaw haareysi yaana gakanaw kawotetha xam7ay, Yihuda kushepe keyenna; kawotethati iyaw kiitetana.

“Yoosefi haatha matan toketidi, dere bolla zaa7ida, ayfey kumida woyne mela. Dongen dukeysati iya bolla dendana; banta dongiyan dukishe iya gooddana.

Shin Yayqooba Xoossa wolqan, Isra7eele henthanchuwa naaguwan, iya dongey mino, iya qesey xaala gidana. Ne aawa Xoossay nena maaddana. Ubbaa Danda7iya Xoossay, Bolla salo anjuwan, Garsa ciimmuwa anjuwan, mehenka yelonka nena anjana.

“Yihuda, ne ishati nena galatana; Ne kushey ne morketa qoodhe oykana; Ne aawa nayti new hokidi ziggana. Yihudaa, neeni wodala gaammo; Ta na7aw, neeni shankafe wodhi simmidi, cogotidi zin7ida gaammo mela. Nena bochanaw danda7ey baawa.

“Robeela, ta bayra na7aw, neeni ta wolqaa; ta minotethas koyruwa; neeni bonchonka wolqanka ubbaafe aadhasa. Neeni haatha mela, eqidason de7aka; ne ishata bolla bayratethi new bessena. Neeni ne aawa hiixan keyadasa; ne aawa arsa tunisadasa.