Popular Bible Verses from Lik Ejiptơ 2

Share

Yàng Tom Trồ neh kơno jơnau pơt wòl bol khai dê mơ Kơnràñ kah wơl bơta ho pơgon mơ Abraham, Isak mơ Jakôp. Behơ̆, Yàng Tom Trồ wèt sền di cau Israel mơ kơlôi rcang bơh bol khai.

Tòm pah ngai jŏ jòng hơ̆, bơtau Ejiptơ loă rài. Làng bol Israel pơt wòl hơđơm yô dĭ gơna bol khai dê mơ rac ròc dan bơta dong kòl. Jơnau rac ròc hòi dan tài bơh bơta ơm dĭ bol khai dê guh tus hơ Yàng Tom Trồ.

Tòm tŭ kòn dềt neh dờng rau gen khai lam kòn hơ̆ tus hơ kòn ùr Pharaôn; khai dòp lơh gơs kòn khai dê, mơ tơmoh sơnđan la Môise mơ đơs lah: “Añ neh tă tơlik khai klàs bơh dà.”

Kòn ùr bơtau đơs mơ khai lah: “Cèng tĕ kòn dềt do mơ ròng siam khai añ in, añ rơp tơm jền tơngai ai in.” Behơ̆, cau ùr kơnđu kòn dềt mơ ròng siam khai.

Mơ tai tŭ hơ̆ kòn ùr Pharaôn dê lòt tus um dà hiòng Nil, ai ală cau ùr duh broă khai dê gen lòt kơnhơl rò gah hiòng. Kòn ùr bơtau gŏ bài hơ̆ digùl ală tòm proh, gen sồr cau ùr duh broă khai dê lòt ai gơ.

Gơs dô ngai ne, tòm tŭ Môise neh dờng rau, khai lik lòt tus hơ tiah làng bol tòm khai dê mơ sền gŏ bol khai lơh broă bòl glar. Khai neh gŏ dô nă cau Ejiptơ pù lơh dô nă cau Hebrơ la dô nă gơp bơtiàn khai dê. Khai sền gùt dar mơ ò gŏ dô nă cau lơi, gen khai tơnchơt cau Ejiptơ mơ pồn ƀồc tòm bràs.