Popular Bible Verses from Lebi 26

Share

Añ rơp lòt digùl bol mê mơ lơh gơs Yàng Tom Trồ bol mê dê, mơ bol mê rơp lơh gơs làng bol Añ jê.

Añ rơp đùh mìu bol mê in tòm toh kơnhai, ù tiah rơp gơlik kòi mbo mơ ală chi gơlik plai đo gơ dê.

Dilah bol mê lòt jat ală bơta sồr lam Añ jê mơ kơrhia lơh jat ală jơnau sồr Añ jê

Añ rơp ai bơta ring lơngai tòm lơgar, bol mê rơp bic mang mơ ò gơs cau lơi lơh bol mê in rngòt. Añ rơp tă tơlik ală phan brê bơh di lơgar, mơ đào rơp ò lòt gan lơgar bol mê dê.

Añ rơp ai bơta nđàc wèt sền di bol mê mơ lơh bol mê in tơnggơs bơtơl oă, mơ Añ rơp prap gàr bơta ho bal Añ jê mơ bol mê.

Añ la Jehôwa Yàng Tom Trồ bol mê dê, la Bơtau neh tă cèng bol mê bơh di Ejiptơ tồ bol mê ò gam ơm dĭ cau Ejiptơ in; Añ neh dơrpă yô bol mê dê mơ neh lơh bol mê in pò bồ jòng hơđang mơ lik lòt.

Añ rơp ơn tiah ơm Añ jê digùl bol mê, mơ Añ rơp ò cù kìr di bol mê.

“Bañ lơh bol mê in ală rùp ràk hala bơtào gơs dô nơm rùp hala dô nơm pơnai lŭ nàng duh khoai, mơ bañ bơtào tòm lơgar bol mê dê dô pơnai lŭ pac sềr nàng cùn khoai di đap gơ. Añ la Jehôwa Yàng Tom Trồ bol mê dê.

Tòm tŭ bol mê gam sa phan neh toès nam lài gen bol mê pal tă cèng ơn gơ tiah ndai, lòi tiah nàng cèng prap phan pa toès.

Pram nă tòm bol mê rơp ting jat dô rhiang nă, mơ dô rhiang nă tòm bol mê rơp ting jat jơt rbô nă, mơ ală cau sò tơm bol mê dê rơp gơpừ bơh đào di đap bol mê.

Kơnhai pơrjòt kòi bol mê dê rơp pơnjat tus kơnhai pic plai ño, mơ kơnhai pic plai ño rơp pơnjat tus di kơnhai tam gơ, mơ bol mê rơp sa jơh ală phan sa bol mê kòñ mơ ơm kis lơngap lơngai tòm lơgar bol mê dê.

Bol mê rơp ting jat ală cau sò tơm bol mê dê, mơ bol khai rơp gơpừ bơh đào di đap bol mê.

Prap gàr tĕ ală ngai Saƀat Añ jê mơ ki ngàm tĕ di Tiah Sàng Goh Añ jê. Añ la Yàng Jehôwa.