Popular Bible Verses from Matius 10

Share

“Pariaramo tesaKu hitu! Komiu Kusuro hau ri tatanga ntona nadaa nasimbayu eva bimba ri tatanga asulaku. Jadi komiu kana matau eva ule bo malusu rara eva tonji togou.

Isema-sema batena nangoseaka dota rarana mboto, ledo manggava katuvu mabelo sampe ri kasae-saena. Tapi isema-sema nombakabasaka pura-pura dota rarana mboto sabana nioseakana Yaku, iamo manggava katuvu mabelo sampe ri kasae-saena.

Nee maeka nte tona madota mompatesi komiu. Ira mamala mompatesi karomiu tapi ledo ria kuasara mombanavusaka komiu ri narakaa. Aginapa komiu maeka nte Alatala sabana Iamo nakuasa mompatesi karomiu bo Ia muni nakuasa mombahuku komiu riara narakaa.

Bo tona ledo nanjimbuaka kayu salibna bo nangoseaka Yaku, ia ledo masipato rauli topangoseaka Yaku.

Isema-sema manguli ri ngayo ntona ntanina, ia topangoseaka Yaku, Yaku muni manguli ri ngayo nTuamaKu Alatala ri suruga, ia topangoseaka Yaku. Tapi isema-sema manguli ri ngayo ntona ntanina, ledo nisanina Yaku, Yaku muni manguli ri ngayo nTuamaKu ri suruga, ledo nisaniKu ia.”

Pakabelo tona nadua, pakatuvu mpanjili tona namatemo, pakabelo tona nadua oge, popalai seta-seta anu nesua ri karo ntona. Kuasa haitu nidekei bayangi ka komiu, ledo nialimiu. Jadi dekeimiu bayangi muni ka tona ntanina.

Jadi nee maeka, apa nipotove nu Alatalapa komiu pade tonji rone nadea.

“Nee rapekirimiu kakavaKu hii manggeni posinggabelo ri dunia. Ledo nakana! Tapi kakavaKu hii nanggeni posieva.