Popular Bible Verses from Matius 14

Share

Tapi nikitanapa karimboso nu poiri mbaso, naekamo rarana. Nompamulamo ia malodo riara uve rano haitu. Bo nongare ia, “Pue, tulungi yaku!” Jadi kaliu-liu niodo i Yesus paleNa mombasaka i Petrus. Bo niuliNa ka i Petrus, “Nakura mpuu pomparasayamu! Nakuya iko nolengga-lengga?”

Tapi nikitanapa karimboso nu poiri mbaso, naekamo rarana. Nompamulamo ia malodo riara uve rano haitu. Bo nongare ia, “Pue, tulungi yaku!”

Tapi kaliu-liu nanguli i Yesus ka ira, “Nee maeka! Pakaroso raramiu! Yaku hii!”

Bo nanguli i Petrus, “Pue, ane Komiu mpuu tu, rondemo yaku tou nte Komiu molipa ri bavo nu uve.” Nesanamo i Yesus, “Kamaimo!” Jadi nanaumo i Petrus lako riara sakaya, bo nolipamo ia ri bavo nu uve manggaparai i Yesus.

Bo ana-anaguruNa riara sakaya haitu nantaputu nombasomba Ia. Nanguli ira, “Nakana mpuumo! Komiumo Ana nu Alatala!”

Tapi nanguli i Yesus ka ira, “Ledo paraluu ira malai. Komiumo mombadekei kandea ka ira.” Nesana ana-anaguruNa, “Anu naria nte kami hitu aga lima-angu roti bo rombaa bau.”

Nanguli i Yesus, “Keni tumai kandea tutu.” Naupu haitu nituduNa todea monturo ri kavoko. Bo nialaNamo lima-angu roti bo rombaa bau haitu bo nitingoaNamo langi bo nosambaya nanguli tarima kasi ka Alatala. Naupu nosambaya, nitubi-tubiNa roti pangane bo nidekeiNa ka ana-anaguruNa ala rabagi-bagira ka todea.

Nangande puramo ira sampe nabosu. Naupu haitu anaguruNa nompasiromu mpanjili labi kandea naboli, sapulu rotonda ponupa kadeana.