Popular Bible Verses from Matius 3

Share

Ane mpuu-mpuu komiu najea lako ri dosamiu, popakitamo ante pokainggu nabelo.

Bo naria suara lako ri suruga nanguli, “Hitumo AnaKu nipotoveKu. Iamo nompakadamba raraKu.”

Naupu nidiu, nesoremo i Yesus lako ri uve. Bo eva nisuka tempona haitu muni langi natebuka bo nikitaNa Nosa Gasa nu Alatala nolenje mpo tonji banggebodo nanau bo netuu nte Ia.

Yaku mombadiu komiu ante uve, tandana najeamo komiu lako ri dosamiu. Tapi da nariapa saito ngena tona meonga nelabipa kakuasaNa pade yaku. Naogepa Ia pade yaku sampe nau manggeni sapatuNa ledo masipato yaku. Ia mombadiu komiu ante Nosa Gasa nu Alatala bo apu.

Pehuku nu Alatala nasimbayu eva baliu, nasadiamo rapotovo kayu sampe ri kalena ane ledo naria vuana nabelo. Kayu ledo nabelo vuana ratovosi bo ratedaka ri mata nu apu.

I Yohanes hitumo niuli Nabi Yesaya riara Buku Gasa ivei: “Naria tona nongare-ngare ri karava bai ivei: Pakasadiamo dala ka Tupu! Pakanoa dala raoseNa!” Yesaya 40:3