Popular Bible Verses from Hechos 1

Share

Manachayqa Santo Espíritu qankunaman jamuspa, pay atiyta qosonqachej. Chantá rispa, qankuna noqamanta testigo jina willankichej Jerusalenpi, tukuy Judea jap'iypi, Samariapi, jinallataj tukuy kay pachaj k'uchunkama, nispa.

Jesustajrí kuticherqa: Mana qankunachu yachanaykichej tiyan mayk'ajchus, chayrí ima phanitachus Tata Dios jatun atiyninpi chay imakunata ruwanqa, chaytaqa.

Ajina kuraj kachankunawan tantasqa kashaspa, Jesús paykunata kamacherqa: Jerusalén llajtamanta amaraj ripuychejchu, manachayqa suyaychej Tata Diospa nisqan junt'akunanta, mayqenmantachus noqa willarqaykichej, chayta. Yachankichej jina Bautizaj Juan yakuwan bautizarqa. Kaymanta pisi p'unchaykunamanrí, qankuna Santo Espirituwan bautizasqa kankichej, nispa.

Wañusqamanta kawsarimpuspataj, kikin Jesuspuni tawa chunka p'unchayta kuraj kachankunawan rikuchikorqa. Jinataj ashkha kutita paykunaman rikhurispa, tukuy imata ruwarqa, pay kawsashasqanta mana iskayrayaspa yachanankupaj. Chantá Diospa kamachiyninmantapis paykunaman yachachillarqataj.

Chayta nisqantawantaj, kuraj kachankuna qhawashajtinku, Jesusqa janaj pachaman oqharisqa karqa. Phuyu ukhuman Jesús chinkaykojtinkamataj, kuraj kachankunaqa payta manaña rikorqankuchu.

Jinapi Jesuspa kuraj kachankuna payta janaj pachaman ripushajta qhawashajtinku, yuraj p'achayoj iskay qharikuna paykunaman rikhurerqanku. Chay qharikunataj nerqanku: Galileamanta kajkuna, imaraykutaj patata qhawaspallapuni kashankichejri? Kay kikin Jesús, imaynatachus qankuna ukhumanta janaj pachaman ripun, ajinallatataj aswan qhepaman ujtawan kutirimonqa, imaynatachus ripojta rikunkichej, ajinata, nispa.