Popular Bible Verses from Juan 1

Share

Aswanpis tukuy pikunachus paypi atinikuspa mana qhesacharqankuchu, chaykunaman pay atiyta qorqa Diospa wawankuna ruwasqa kanankupaj.

Qallariypeqa Simi Nisqa sutiyoj karqapuni. Chay Simi Nisqaqa Dioswan kasharqa, chay Simi Nisqataj Diospuni karqa.

Chay k'anchaytaj laqhapi lliphipin, laqhataj k'anchayta mana jayk'ajpis wañuchiyta atenqachu.

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

Diostaj tukuy imata paynejta ruwarqa, ruwasqa kajmantataj mana paywanqa mana imapis ruwasqachu karqa. Simi Nisqa sutiyojtaj tukuy ima ruwasqa kajman kawsayta qorqa, chay kawsaynintaj k'anchay jina runakunaman Diosmanta sut'ita rikuchin.

Q'ayantin, Bautizaj Juan Jesusta payman jamushajta rikuspa, nerqa: Kaymá Diospa Corderonqa, pichus runakunaj juchankuta pampachaj.

Simi Nisqa sutiyojqa paypa ruwasqan kay pachaman jamorqa. Chaywanpis runakunaqa pay pichus kasqanta mana rejserqankuchu. Payqa llajta masinkunaman jamorqa, paykunatajrí payta qhesacharqanku.

Cheqa k'anchayrí tukuy runaman k'anchananpaj kay pachaman jamusharqa.

Diosqa kamachisqankunata Moisesnejta qorqa. Chaywanpis Diospa mana tukukuyniyoj munakuyninta, cheqa kaynintawan Jesucristonejta qowanchej.