Popular Bible Verses from Juan 13

Share

Kunantajrí kay mosoj kamachisqata yachachiykichej: Qankunapura munakuychej. Imaynatachus noqa munakorqaykichej, ajinallatataj qankunapis purajmanta munakuychej. Qankunachus purajmanta munakunkichej chayqa, tukuy runakuna yachanqanku noqaj yachachisqay kasqaykichejta, nispa.

Noqachus yachachejniykichej, Tukuyta Kamachejtaj kashaspa, chakiykichejta mayllarqaykichej chayqa, ajinallatataj qankunapis chakiykichejta mayllanakunaykichej tiyan. Chayta noqa ruwarqani, qankunapis noqa jina ruwanaykichejpaj.

Jesustaj kuticherqa: Kunan imatachus ruwasqayta mana entiendenkichu. Chaywanpis qhepamanraj ima niytachus munasqanta yachanki, nispa.

Kayta sut'ita niykichej: Wata runaqa patronninmanta mana aswanchu, nitaj kachasqapis kachajninmanta aswan kurajchu.

Sichus chayta entiendespa ruwankichej chayqa, kusisqamin kankichej.

Jinaqa cenata mikhushajtinku, Jesús sayarikuspa, patanchana p'achanta orqhokorqa, jinaspataj, uj toallata chumpinman churakorqa. Chantá uj ch'illamiman yakuta jich'arqospa, yachachisqankunaj chakinta mayllayta qallarerqa. Chumpinpi karqa, chay toallawantaj ch'akicherqa.