Popular Bible Verses from Juan 17

Share

Tatáy, nisqaykeqa cheqapuni. Kunantaj nisqaykita kasusqankurayku paykunata qanpaj t'aqay.

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

Mana paykunallapajchu mañakuyki, aswanpis pikunachus paykunaj willasqankunejta noqaman kutirikamonqanku, chaykunapajpis. Mañakuyki paykunapura ujchasqallapuni kanankuta. Imaynatachus Tatáy, qanwan, noqawan ujchasqa kanchej, ajinallatataj paykunapis noqanchejman ujchasqapuni kachunku, ajinamanta tukuy runakuna qan kachamuwasqaykita yachanankupaj.

Mana noqata qhatiwajkunata kay pachamanta orqhonaykitachu mañakuyki, manachayqa paykunata Supaymanta waqaychanaykita.

Qan atiyta qowarqanki, noqataj chay atiyllatataj noqata qhatiwajkunaman qorqani, noqanchej jina ujlla kanankupaj. Noqaqa paykunaman ujchasqa kashani, qantaj noqaman. Ajinamanta paykuna uj sonqolla kanqanku, tukuy runakuna yachanankupaj qan kachamuwasqaykita. Yachallanqankutaj qan paykunata munakusqaykita, imaynatachus noqatapis munakuwanki, ajinata.