Popular Bible Verses from Juan 6

Share

Jesustajrí paykunata nerqa: Noqamin kawsayta qoj t'anta kani. Pillapis noqaman jamojqa mana jayk'ajpis yarqhachikonqachu, nillataj noqapi atinikojqa jayk'ajpis ch'akichikonqachu.

Diospa Espiritullan wiñay kawsayta qon. Runarí atisqanta ruwashaspapis, mana ni imatapis tarinmanchu. Qankunaman nisqay simikunaqa Diospa Espiritunmanta jamun, kawsaytataj qon.

Ama tukukoj mikhunata tarinaykichejraykullaqa chhikatapuni phutikuychejchu. Aswanpis qankunaqa wiñay kawsayta mask'anaykichejpaj tukuy sonqoykichejta churaychej. Chayta noqa Runaj Churillan qoyta atiykichej, imaraykuchus Tata Dios chaypaj churawarqa, nispa.

Tatayqa munan pillapis Churinta qhawaspa paypi atinikojqa wiñay kawsayniyoj kananta. Chantá noqa kikiy qhepa kaj p'unchaypi chay runata wañusqamanta kawsarichisaj, nispa.

Jesustaj paykunaman kuticherqa: Diosqa kayllata ruwanaykichejta munan: Kachamusqan Churinpi atinikunaykichejta, nispa.

Chaywanpis Tataypa tukuy qowasqan runakuna noqaman jamonqanku, noqataj pikunachus noqaman jamojkunata mana qhesachasajchu.

Chantá Simón Pedro kuticherqa: Wiraqochi, pimantaj riyta atiykumanri? Qanpa parlasqaykeqa wiñay kawsayman pusawayku.

Noqamin janaj pachamanta urayk'amoj kawsayta qoj t'anta kani. Pillapis kay t'antamanta mikhojtaj wiñaypaj kawsanqa. Noqa qosaj, chay t'antaqa ukhuymin. Noqataj ukhuyta qospa wañusaj runakunaman wiñay kawsayta qonaypaj, nispa.

Mana pipis noqaman jamuyta atinmanchu kachamuwaj Tatay mana pusamojtenqa. Noqataj chay jamojkunata kay pachaj tukukuynin p'unchaypi wañusqamanta kawsarichisaj.

Jinataj Diospa qosqan t'antaqa janaj pachamanta urayk'amuspa, runakunaman wiñay kawsayta qon, nispa.

Noqamin kawsayta qoj t'anta kani.

Jesustaj chay t'antata jap'ispa, Tata Diosta pachis nerqa. Chantá, yachachisqankunaman t'antata jaywarqa, paykunataj runakunaman jaywarqanku, jinallatataj challwatapis, sapa runa mashkhatachus munasqanman jina. Runakuna mikhuspa sajsakojtinkutaj, Jesús yachachisqankunata nerqa: Puchojta oqhariychej, ama usunanpaj, nispa.

Yachachisqankunataj uj legua kurajta jina botepi risqankumantaña, Jesusta yaku patata boteman qayllaykamushajta rikorqanku, mancharikorqankutaj. Jesustajrí paykunata nimorqa: Noqa kani, ama mancharikuychejchu, nispa.