Popular Bible Verses from Lucas 13

Share

Atisqaykichejta ruwaychej Diospa kamachiyninman k'ullku punkunejta yaykunaykichejpaj, imaraykuchus Diospa kamachiyninman ashkha yaykuyta munanqanku, manataj atenqankuchu.

Chaypitaj uj warmi kasharqa, pichus k'umpullamantaña purej, nitaj imaynamanta cheqanta sayayta atejchu, chunka pusajniyoj watataña uj supay ajinata payta onqochisqanrayku. Chantá Jesús chay warmita rikuytawan, payta wajyaspa, nerqa: Warmisita, onqoyniykimanta qhaliyachisqaña kanki, nispa.

Jesús makinwan warmita llankhaykojtinkamataj, chay warmi cheqanta sayaspa, Diosta mayta yupaychayta qallarerqa.

Kaytawan yachaychej: Kunan qhepapi kajkunaqa chaypacha ñawpajpi rikhurenqanku. Ñawpajpi kajkunatajrí qhepapi rikhurenqanku, nispa.

Wasiyoj runa punkuta wisq'ajtinña, qankunaqa jawapi rikhurispa, punkuta takankichej: Tukuyta Kamachej, kichaririwayku, nispa. Paytajrí kutichisonqachej: Mana rejsiykichejchu, manataj yachanichu maymantachus kasqaykichejta, nispa.

Noqarí niykichej mana jinachu kasqanta. Manachus Diosman kutirikunkichej chayqa, ajinallataj qankunawanpis kanqa, nispa.

Paytajrí nisonqachej: Mana yachanichu maymantachus kasqaykichejta. Millayta ruwajkuna, noqamanta karunchakuychej, nispa.

Chaymanta Jesús nillarqataj: Imaynataj kanman Diospa kamachiynin? Ima rijch'anachinawantaj chaymanta yachachisunmanri? Diospa kamachiynenqa mostaza mujuman rijch'akun, mayqentachus uj runa jallp'anpi tarpusqa, chayman. Chay mujoqa wiñasqa sach'ayanankama, p'isqokunataj thansankunapi thapachakusqanku, nispa.