Popular Bible Verses from Marcos 1

Share

Q'ayantenqa Jesús tutamanta jatarerqa. Allin chhapullaraj kashajtin, wasimanta llojsispa, ch'innejman rerqa, chaypitaj Dioswan parlarikorqa.

Diospa nisqan p'unchay junt'akunña, paytaj kamachinanpaj wakichisqaña kashan. Chayrayku juchaykichejmanta Diosman kutirikuychej, Diosmanta kay sumaj willaytataj jap'ikuychej, nispa.

Jinallapi Jesús yakumanta llojsimushaspa, janajta kicharikushajta rikorqa, Santo Espiritutataj urpi jina, paypa patanman urayk'amushajta. Janaj pachamantataj Dios nimorqa: Qanmin munasqa Churiy kanki, qanwantaj sonqo junt'asqa kani, nispa.

Noqaqa qankunata yakuwan bautizaykichej. Paytajrí Santo Espirituwan bautizasonqachej, nispa.

Jesustaj paykunata nerqa: Jaku noqawan khuska rinachej. Chantá challwata jap'inaykichejtaqa, noqa runakuna qhatinawankupaj mask'ayta yachachisqaykichej, nispa. Paykunataj chay kikinpi challwa jap'ina ch'ipankuta saqerparispa, Jesuswan riporqanku.

Chay runakunataj yachachisqanta uyarispa, t'ukorqanku, imaraykuchus Jesusqa kasuchikunapaj jina yachacherqa, manataj Diospa kamachisqanmanta yachachejkuna jinachu.