Popular Bible Verses from Marcos 16

Share

Jesustaj nerqa: Qankuna tukuy kay pachaman riychej, jinaspataj noqamanta sumaj willayta tukuy runaman willamuychej.

Noqapi atinikojkunataj runaj mana jayk'aj rikusqan t'ukunata ruwanqanku: Sutiypi supaykunata runamanta qharqonqanku, mosoj parlaykunatataj parlanqanku. Paykuna makinkuwan katarikunata oqharenqanku, venenota ujyaspapis, mana imanakonqankuchu. Chantá onqosqakunata makinkuwan llankhajtinku, qhaliyanqanku, nispa.

Pichus noqapi atinikojqa, chantá bautizachikojtaj, qhespichisqa kanqa. Noqapi mana atinikojrí wiñaypaj juchachasqa kanqa.

Paypa yachachisqankunataj, tukuynejman rispa Jesusmanta sumaj willayta willaramorqanku. Tukuyta Kamachej Jesuspis paykunata yanapaj, runaj mana jayk'aj rikusqan t'ukunata ruwasqankuwan yachayta qonankupaj yachachisqanku cheqan kasqanta.

Jinapi chay wayna nerqa: Ama mancharikuychejchu. Qankunaqa Nazaretmanta Jesusta mask'ashankichej, pichus cruzman chakatasqa wañorqa, payta icharí? Payrí kawsarimpunña, mana kaypiñachu. Qhawariychej, Jesuspa ayanta kayman churarqanku.

Chayta nerqanku chay rumi ancha jatun kasqanrayku. Chayaspatajrí, rumita tanqarparisqataña rikorqanku. Chantá chay warmikuna aya p'ampanaman yaykuspataj, uj waynata pañanejpi tiyashajta rikorqanku qhoysu yuraj p'achayojta. Chantá sinch'ita mancharikorqanku.