Popular Bible Verses from Hechos 4

Share

Mana waj runanejta pipis qhespichisqa kayta atinmanchu manachayqa Jesucristonejllata. Diosqa tukuynin kay pachapi mana waj sutita churanchu, paypi atinikuspa noqanchej qhespichisqa kananchejpaj, nispa.

Chaypacha Jesucristota qhatikojkuna Dioswan parlarikuyta tukusqankutawan, maypichus kasharqanku, chaynej kharkatiterqa. Chaymantataj tukuyninku Santo Espíritoj kamachiyninpi kaspa, Diospa simi nisqanta mana manchachikuspa willallarqankupuni.

Kunanqa Tukuyta Kamachej Dios, qhawariy imaynatachus paykuna phiñakuspa, manchachiwasqaykuta. Chantá kay kamachiykikunata kallpachawayku ari, mana manchachikuspa Simi nisqaykita willanaykupaj

Paymá chay Jesusqa, pimantachus Diospa Qhelqachisqanpi ajinata nin: Wasi ruwajkunaj pisipaj qhawasqanku rumeqa cimiento esquinapaj sumaj rumiman tukupun, nispa.

Chaypacha kurajkuna mayta t'ukorqanku Pedrotawan, Juantawan mana manchachikuspa parlajta rikuspa. Astawanqa chay kurajkuna yacharqanku Pedrowan, Juanwan mana sumaj yachaj runakunawanchu yachakusqankuta. Jinapis repararqanku paykuna Jesuswan khuska purisqankuta.

Chantá Jesucristopi atinikojkuna uj yuyaylla, uj sonqolla karqanku. Mana pipis nejchu kapuynin paypallata kasqanta, manachayqa tukuy imanku tukuyninkojta karqa.