Popular Bible Verses from Lucas 11

Share

Qankunachus mana allin runakuna kashaspa, allin kajta wawaykichejman qoyta yachankichej chayqa, astawanraj janaj pachapi kaj Tataykichejqa mañakojkunaman Santo Espirituta qonqa, nispa.

Chayrayku niykichej: Diosmanta mañakuychej, qosonqachejtaj. Dios kutichisunanta mask'aychej, tarinkichejtaj. Punkutapis takallaychejpuni, Diostaj kicharimusonqachej.

Pichus Diosmanta mañakojqa jap'in, mask'ajtaj tarin, punkuta takajpajpis Dios punkuta kicharenqa.

Jesustaj paykunata nerqa: Dioswan parlarikuspaqa, ajinata ninkichej: Janaj pachapi kaj Tatayku, sutiyki jatunchasqa kachun. Jamuspa, noqaykuta kamachiyta qallariy.

Juchaykutapis pampachapuwayku, imaynatachus noqaykupis contraykupi mana allin ruwajkunaj juchankuta pampachayku, ajinata. Ama juchallinaman tanqasqa kanaykuta saqewaykuchu, manachayqa jark'awayku Supayta kasunaykumanta, nispa.

Sapa p'unchay imatachus mikhunaykuta qowayku ari.

Jinallataj ñawiykeqa ukhuykipaj k'anchay jina. Ajinamanta ñawiyki allin kajtenqa, tukuy ukhuykipis k'anchayniyoj kanqa. Ñawiyki mana allin kajtinrí, tukuy ukhuykipis laqhalla kanqa.

Jesús nillarqataj: Mana pipis lamparata jap'ichispaqa pakanchu, nitaj wich'iwan k'umpuykunchu. Manachayqa pataman churan, wasiman tukuy yaykojkuna k'anchayninta rikunankupaj.