Popular Bible Verses from Makowe 2

Share

Petili ngaayangwa, “Munng'alambuki Nnu'ngu' na kila yumo ywinu abatisilwe kwa lina lya Yesu Kilisitu, li'nga mupate samilwa masambi ginu no pokya yi'lu' upo ya Loo Mpeleteu.

Abo boti ngabayendelya binia kwiyi'gana bu'ka kwa atumilwe, tama pamope kati alongo, metwana makati, lya pamope no lu'ba Nnu'ngu'.

Boti ngabatwi'li'yi'lwa Loo Mpeleteu, no tumbwa longela kwa luga mbali'mbali', kati Loo mwaayalile.

Kwa kiimuimu lilobe lyaayu'wanike kati limbu'nga liku'lu' lyaumi kunani, ngaliitwi'li'ya yi'lu' nyumba yoti yabaatami. Ngagapitya malimi kati ga mwoto, ngagabaganika no tu'la panani ya kila mundu. Boti ngabatwi'li'yi'lwa Loo Mpeleteu, no tumbwa longela kwa luga mbali'mbali', kati Loo mwaayalile.

Kila lisu'ba baabile kabakongolekana pamope mulua lwa nyumba ya Nnu'ngu'. Bametwanage makati no kwembana mumisengo yabe lya kilyo so kwo napusika na kwa mwoyo nnogau. Bankwi'yite Nnu'ngu' no pendelwa na bandu boti. Kila lisu'ba Bwana aatikwayongekeya mitumbi ya bandu, babaabile kabakosopolelwa.

‘Mumasu'ba galu' ga kuundi'la abaya Nnu'ngu', naalu'a kunnyitanikia Loo wangu' panani ya bandu boti. Bana binu analu'me na alwawa baalu'a londwa, ansembe binu baalu'a gabona makowe gayambi', na agoi baalu'a lota maloto.

Babaau'bi'li boti baayendeli ba pamope na mali yabe batebaganana. Baapi'miye migunda na ili'be yabe, bu'ka po bagana mbanje li'ngana na mwaipalikwa kwa kila mundu.

Apo mundu ywoywoti ywaalu'a lu'ba yangatiyilwa na Bwana, alu'a kosopolelwa.’”

Lisu'ba lyaalu'a ba mulubi'ndu' na mwei walu'a ba nkele kati myai, kaliegelya isa lisu'ba liku'lu' lya ngama lya Bwana.