Popular Bible Verses from Locya 12

Share

Am ori o ipeytataziman nyo an. Ta ji nyo a tenngi o araraw no ipeysinaoli ko do teyrahem a Nipamnekan na ni Ama ta do to a tao.”

So ikapinsan na no kakza nyo no katalamozong na ninyo ni Ama ta do to. Ta ori o torwan na nya jinyo so apyahen nyo no nakem.

Maniring jira am, “Azimanen nyo kaji nyo mangagoman so meykamadadayan an. Ta tana meynakem o tao ori am beken a ikapintek na do karawan ori.”

Ta o yanan no peymeymasaodan nyo am pacilolwan no onowned nyo an.

Manngwa, ikapintek nyo o kalaw nyo no kawakwak nyo?

Maniring si Yeso do macinanao jya am, “Ko pa ciring jinyo am ji nyo a ratan o kanen nyo a kano ayob nyo.

Am ori an, ji nyo anyaheyan. Ta yarakorako o nakenakem na jinyo a kano meyyasasalap. Tana avok nyo am na nimimin rana nivilangan.

“Inyo rana a macilolo jyaken am ji kanyo anyahey an. Ta isaray na ni Ama ta do to o katalamozong na ninyo.

To nyo nita o meyyasasalap an. Ta sira ji hakaw, sira ji manlangi, yabo da panonokozan so kankan da. Ta na avyavyain sira ni Ama ta do to an. Jyabo nyo kajyakdekdengan pa kano meyyasasalap a.

Am ori o ji nyo alawi no kanen nyo a kano yopen nyo.

O tamek rana am amyan pa sicyaraw eya. Am simaraw am mahayo rana a kapasleb rana sya do apoy. Tana akman sang o tamek a ji meyyonownay do tana am yana padketan ni Ama ta do to so na ikazway a savong na. Kakwakwan na rana no tamek am imanngo kamo na. Ta jyabo kaji na mantan ninyo so ayob nyo a. Am nyo kaji makanetan so nakenakem ji Ama ta do to.

O taywen rana vazay am abwata o ji meytotwaw. O ji meycicicyan a vazay am akman sang a katenngan da no tao.