Popular Bible Verses from Yowaana 19

Share

Yesu niyamala ohuhoombaho hu fiini eyo, yaaboola ati, “Luweere”; mani yaaguunamya omutwe yaakwiisa omwooyo.

Luunyuma lw'ebyo, Yesu n'amalire ohumanya ati ebyae byoosi byali nibimalire ohuwa, yaboola (ohwooseresa abweene ebyandiiko byoolerefu) ati, “Obuluwo buunuma.”

Yesu niyabona ng'ina, neende omweeki yi yali niyaheera muno nibeemere aambi ao, yaboolera ng'ina ati, “Maama, bona omwaana wao nguyo!” Haandi yaaboolera omweeki oyo ati, “Bona, maao nguyo!” Mani ohutula esiha esyo, omweeki oyo yamuyira engo wae.

Nae boola hu Yesu, mani baabona bati, yali amalire ohufwa hale, mani nibatamufunaka amakulu daawe. Nae mulala hu basikaari yamufumita efumo mu mbafu, mani abweene-na-bweene ao, nimutulamo amabaanga neende amaachi.

Ebyo byaliwo bityo, hu byandiiko byoolerefu binyale ohwoolerera abweene biti, “Libulao kata ekuumba lyae elichia ohufunakwa daawe.” Haandi esyandiiko syoolerefu siindi siboola siti, “Bahatingaale hu oyo yi bafumita.”

Mani nibadiira Yesu, nibamutusa erwaanyi, omwene n'akiingire omusalabba kwae, nibamuyira abuundu alaangwa ati ew'ebyaangaanga, mu Luibburania ati, Gologoota.

Haandi abasikaari baluha engata y'amawa, baamufwaasa hu mutwe, haandi baamala baamufwaasa engubo cha papo