Popular Bible Verses from Yowaana 3

Share

Olwohuba Nasaae yaheera esyaalo muno, sakira yatusa Omwaana wae mudeerwa, mbwe buli yeesi omufukiiriramo ahaye ohusihiriswa, nae anyoole obulamu butaakama.

Olwohuba Nasaae haba siyatuma Omwaana wae hu syaalo ohusiheengera omusaango, nae yamutuma mbwe esyaalo sinyale ohuwonisibwa ohubitira mu Mwaana wae.

Yesu yamukobolamo ati, “Mubwadyeeri bweene, huboolera endi, oyo yeesi oteebulwa buyaaha, haba saanyala hubona Obwaami bwa Nasaae.”

Oyo yeesi omufukiiriramo haba saheengerwa omusaango ohumuhira; nae oyo otamufukiirira yamala ohuheengerwa omusaango ohumuhira hale, olwohuba oyo haba siyafukiirira mu Omwaana mudeerwa wa Nasaae.

Kuno nikwo omusaango. Obulafu bweecha mu syaalo, nae abaandu nibaheera esiirima ohuhira obulafu, olwohuba ebiholwa byaabwe bibi.

Mani oyo ahoyeere ohuniinisibwa nae ese ohwiiha.”

Olwohuba buli muundu ohola bubi, asyuula obulafu, haandi haba siyeecha eyiri obulafu, ebiholwa byae bihaye huboneha daawe.

Mani ofukiirira Omwaana, ali neende obulamu butaakama. Nae oyo otafukiirira Omwaana abula obulamu butaakama, haandi Nasaae adoong'a n'amudiiriire egiili.

Koti lu Musa yaaniha endemo y'esikomo hu musaala mu siparara, olwo nilwo lu Omwaana w'Omuundu ahoyere ohwaanihwa

Laatang'ene Mwaana yaheera muno Omwaana wae, haandi yata ebiindu byoosi mu bunyala bwae.