Popular Bible Verses from Ioane 1

Share

Nina lé hegieng, ke lé céihi ne ko a niin, ke e ne telé a pihuô beme lé naî Padué.

Ha atabuhi kon, ke a Pwooti. Ke a Pwooti, ke e pele Padué. Ke a Pwooti, ke Padué.

E pwéélang ha a melepiing. Ke time e uce hegieng na a melepiing.

Ke e pé a éé apulie a Pwooti, ke e mu hadeniinye, ke ubwo a pwonimen konye. Ke genye caa alihi a bwo ubwo na a wâé ten, a wâé te pa Naîn na te céiu nang, na e âbé mu ko Caa.

Tai ni naado ati, ke lé tabuhi mu kon. Te tice celi e tabuhi heme tieeng. É mu kon, ke pwo a mulip, a pwéélang te ni apulie.

É ha acaama hen, ke e ali Iésu wo Ioane, he e âbé céiieng. Ke e pii pie: «Weengi pa *Nahi Muto te Padué. Weeng na e pétaabwon ni ta pwo te ni apulie pwo bwohemwo.

Ke a Pwooti, ke e caa mu pwo a bwohemwo. Ke e tabuhi a bwohemwo wo Padué ko a Pwooti. Ke time lé uce temehieng ne pwo a bwohemwo. E tuie ne pele ni béén, ke time lé uce hegieng.

A pwéélang naa, ke a ju pwéélang na e tuie ne pwo a bwohemwo, beme e pwéélang ko ni apulie ati.

Mepwo é ne ko ni patén, ke e ne tenye mu ko *Moosé. Kehe wo Iésu *Kériso, ke a pwaaden ko a *pipwoééhe tice ja kon, ke a *JUUJU.