Popular Bible Verses from Yʉánɛs 6

Share

Yésʉs, nye e bé ó: «Me ó dí mede dí etiʼ bʉ̂r má. Mʉr nyɨnyɛ̂h dí enze kwá nyǎm nyá, nyé abe e nkul ekǎ jóʼo nzâ. Mʉr nyɨnyɛ̂h dí edyɛ̂ʼwo e me nyá, nyé abe e nkul ekǎ jóʼǒ dwéh médíbé.

Sísǐm mé Nzyɛ̌m ó dí edwě twiʼ. Mʉr ákóʼó bǐ twiʼ mpâ lɨ́ edû bígwɨ́má bí nkûl bipúno. Bilwǐb mé dí elwib e bɨ̌n bîʼ duho ó ɨ́ Sísǐm. Byé ntémé, byé ó dí etiʼ bɨ́n.

Ayɨ́ séa gá lɨ́ esú é méde me dí e nkul ekaʼ, nkʉ̂ bo má, njɨ lɨ́ esú é maá me dí edi, tó pyâl ɨ́ twǐʼ njʉ̌m dǐ má. Mé ó dí maá Mwân mé Mʉr ódwe bɨ́n má, ebě, nye ó waá Nzyɛ̌m Sɔ́ŋ á gbâ jwɨʼ yé nyá.»

Ebě, Sɔ́ŋ wǎm gwɨ́m ó, bʉr bɨ́bɛ̂h ngá bee Mwân wé, dyɛ̂ʼwo e né bá, bé níʼee ɨ́ twǐʼ njʉ̌m dǐ. Mɛm, me ópɛh bé ɨ́ móhó ésúʼlá é sí yɨ̂.»

Yésʉs, nye e bé ó: «Syɛ́ɛlǎ Nzyɛ̌m dí edî bɨ́n yɨ́, yé ó, bɨ̌n dyɛ̂ʼwaa e mʉr nyé á ntɨh bɨ̌n nyá.»

Mʉr nyɨnyɛ̂h Nzyɛ̌m Sɔ́ŋ dí elómlo mé nyá, ónze kwá nyǎm. Mɛm ntémé áso waá nyɨnyɛ̂h dí enze kwá nyǎm nyá.

Simon Pétrus, nye e né ó: «Dâ ɛ̌, bɨ́h sá nó wá, bɨ̌h bé ókǎ tô kwá mé nzé? Gua ó dí e milɛ́ʼlá me dí edwě twǐʼ njʉ̌m dǐ mí.

Me ó dí mede me dí etiʼ bʉ̂r, maá mé á duho ɨ́ jʉ́o kʉ́ má. Mʉ̂r sí de méde maá nɛ́ɛ: nye ótiʼě njʉ̌m dǐ e njʉ̌m dǐ. Mede mé ódwe nyé má, mé ó bipúnó byâm. Mě dwé bʉ̂r ó sí yɨ̂ʼ byǎ ó, lɨ́ esú ó, bé bíʼee twiʼ.»

Sɔ́ŋ wǎm á ntɨh me nyá, óbe, adulo mʉ̂r nó, mʉr waá, nyé abe e nkul enze kwá nyǎm. Me ópɛh waá nyé ngá dulo nyá ɨ́ móhó ésúʼlá é sí yɨ̂.

Ebě, medě Nzyɛ̌m dí edwe má, mé ó mʉr á duho ɨ́ jʉ́o kʉ́ nyá. Nye ó mʉr dí edwe bʉ̂r twiʼ nyá.»

Mɛm ó dí mede mé twiʼ.

Yésʉs nzě nʉa bíblêr byaá, nzě dwě Nzyɛ̌m nzyǒo. Jɔʼ nyé á bě sí dwě Nzyɛ̌m nzyǒo yɨ́, nye nzě kab bʉ̂r bɨ́bɛ̂h bé á be tɨ̂ʼ mindîndǐl bá. Nye nzě dwe bé ntémé osû, mʉr nyɨnyɛ̂h lɨ́ enʉǎ bím yɨ́yɛ̂h nyé á kpɛl yɨ́. Jɔʼ bɨ́bɛ̂h, bé á bě sí de, díle yɨ́, Yésʉs, nye le ompʉ́n bé ó: «Syɛŋɨɨ gá bipéh méde mû sí buʼo bí, mbi dí ó, sɔ̂ʼ, yé ayɨ́ dwě ntuʼ yɨ́!»

Bé á be ó, bé osí dúʼo, bɛ̌m be ókíloméra otɛ̂n, nkʉ̂ ósaman. Bé ká bee nɛ́ɛ: Yésʉs mû lɨ́ ekúnwo e byɛ̂l, nyɨɛ lɨ́ etye ɨ́ medíbé kʉ́. Bê kʉ́ nzě jóʼo bʉ́á. Nye ó: «Ayɨ́ jóʼo gá bʉ́á. Yé ó me!»