Popular Bible Verses from Marc 12

Share

Nó ó Yésʉs á nze yala e né ó: «Etié e dí elaa métié mɨ́mɛ̂h ɨ́ medile lɨ́, lé ó: “Bʉr o b'Ɨ́zraɛ̂l, gwá jôʼlo! Dâ, dí Nzyɛ̌m gá wɨ́ná nyá, nye ó njɨ ngwár. Kpɛlɨ́ɨ́ Dâ, dí Nzyɛ̌m gǒ nyá, le lémé gó wɨ́wɛ̂h, le sísǐm gô wɨ́wɛ̂h, le nkul nyǒ nyɨnyɛ̂h.”» Yésʉs ntɔ̂ʼ lɛ́ɛ ó: «Etié embá, lé ó: “Kpɛlɨɨ mɨ́ɔɔ́ gǒ mʉr mpʉ gó kpɛ́l gó mʉr tɨ̂ʼ yɨ́.” Yé abe e lʉ́ʉ́ étié e dí entaa mɨ́nɨ̌.»

Nó ó Yésʉs á nze jébe ompʉ́n bé. Nye ó: «Mě lɛ́ɛ́ bɨ́n lɨ́ otyeetye ó, ndyêbndyéb kúhó wɨ̂ʼ ô gbá mɔnɨ́ ɨ́ kǎr, laa bʉ̂r bɨ́bɛ̂h. Ebě, bʉ́ʉ́ bʉ̂r bɨ́bɛ̂h, bê gbá ó, páʼ mɔnɨ́ dí abe e mpíh lɨ́ ekʉ̌m lɔ́ɔ́ yɨ́. Nyɨɛ, lɨ́ edyêb lé, nye gbá ó, bím yɨ́yɛ̂h nyê bé e yé yɨ́, bîm bé ó, nye tíʼaa e yé yɨ́.»

Nó ó Yésʉs á to di ndîndǐl siesíe súm bʉ̂r, bé á gbɨgbâ tœ́a ɨ́ mpáh Nzyɛ̌m yɨ́. Nye á be ó lɨ́ ebeě mpʉ bʉ̂r, bé á gbɨgbâ mɔnɨ́ yɔ́ɔ́ ɨ́ mpɔra mindwéá yɨ́. Okúmá ó bʉ̂r, bé á be ó lɨ́ egbâ byé ɨ́ buo buo. Nó ó gúú kúhó mʉ́má ndyêbndyéb, wé á nze, ntɔ̂ʼ gbâ mínzaŋ mimbá, tâŋ pára gwár.

Mʉr, nye ɨ́ jala le ekpɛl nyé e lémé wé wɨ́wɛ̂h, e pɨʼ nyé nyɨnyɛ̂h, le nkul nyé nyɨnyɛ̂h. Nye ɨ́ jala le ekpɛl ntémé mɨ́ɔɔ́ wé mʉr mpʉ nyé kpɛ́l nyé mʉr tɨ̂ʼ yɨ́. Syɛ́ɛla yaá, yé ɨ́ mbɨa, laǎ bím ótír le bisá bíbyɛ̂h bʉ̂r dí e nkul edîʼ, lɨ́ edwě Nzyɛ̌m kûm e tɨ̂ʼ bí.»

Nó ó Yésʉs á nze lɛ́ɛ e bé ó: «Bwóóláá gá bé Kɛ́ɛza bisá mé Kɛ́ɛza, le Nzyɛ̌m, bisá mé Nzyɛ̌m.» Nó bé á be ɨ́ buú kâm yalá yé yaá.