Popular Bible Verses from Marc 6

Share

Nye ntɔ̂ʼ lɛ́ɛ bé ó: «Ntáʼ gá lɨ́ empah. Mɨná tô gbala gá tîtííǎ ɨ́ mâ lʉ̌n, súm bʉ̂r dí abe yɨ́!» (Nye á lwib nó ó, ebě, bʉr ɨ́ buo buo, bé á be ó, bâʼ lɨ́ enze, bʉ́ʉ́ lɨ́ ebúla, abírɔɔ bé epʉ́la ó, bé dêʼ.)

Nó ó Yésʉs á nze lɛ́ɛ e bé ó: «Bé jaá bene édwáawo ngwíha milɔ̌b mé Nzyɛ̌m ó, njɨ ɨ́ sí yé, le témé dyɛɛ́ yé, le ɨ́ mbɛ̌r bʉ̂r wé tʉ́ŋlʉ̌.»

Jɔ̌ʼ Yésʉs á sulo ɨ́ byɛ̂l, nzě bee éntumo e bʉ̂r laá yɨ́, nye ntɔ̂ʼ jɨ̂ʼ bé nkoó, ebě, nye á si bee ó, bé á kʉ be ó mpʉ bínteme bi dí, abe e mbɔʼlʉ bí. Nó nyé á nyɛl edwe bé milɛ́ʼlá ɨ́ milɔ̌b ɨ́ buo buo.

Yésʉs á bé asâ mésimá gúmo yaá. Nye á jaa kɛl myúú mímbêl ó, njɨ mebô ɨ́ nyʉ̂l, le etiʼ myê. Yésʉs á si kâm lɨ́ ebeě mpʉ bé á be adyɛ̂ʼwo e nye yɨ́. Píe tɨ̂, nye nzě ja nzɨ́, ntɔ̂ʼ tô le edwe bʉ̂r milɛ́ʼlá ɨ́ mekwár mé ngʉ́rá waá wɨ́wɛ̂h.

Nó ó Yésʉs á nʉa biblêr bitɛ̂n le osú óbá baá, ntɔ̂ʼ dwɛ̂ʼ kʉ́, nzě dwě Nzyɛ̌m nzyǒo, ntɔ̂ʼ pɛ̂ʼ blêr bipêh, tímle ómpʉ́n byǎ, ó bé dwêʼ bʉr byǎ. Nye nzě kab bʉ̂r bɨ́bɛ̂h osú óbá baá. Bʉr bɨ́bɛ̂h nzě de, díle. Bipéh bíblêr le bipéh bí ósû byé á buʼo bí, byé á si lóŋlo mekwám kám e mebá ɨ́ jɔʼ bé á tœ̂ʼ byé yɨ́.