Popular Bible Verses from Lʉkas 12

Share

Bɨn nteme, diʼe ga é doʼlo. Mwan mo Mʉr amu pyal bɨn motwɨra, é l'ewala bɨn bé óbe, abuʼla nye e.»

Fuo saa ga yɛɛ eni é jwɨ̀ʼa ye. Byaa byʉʉ bɨn lé ejɨ bɨnɨ, Zyɛm óloŋlo bɨn bya.»

Nye ó: «Gʉa di ga ncye! Syɛhla ga zɔɔ bɨsa mɨmbi mimyɛh, ebe, tiʼ mʉr, yé aduho é bɨsa mʉr waa ndɨ e bye e, byé dam buo yáa bim.»

Maʼa ga okum e l'ogbaa win gʉ, ebe, gumo okum win ndɨ ɨ, tɨʼ nteme ó mɨleme min, myé óbe e!»

Zé é sama yin ndɨ e nkul eko elu egwar é jɔʼ ye ebe ba nye lé esyɛl é leme e?

Yesʉs, nye e l'ompʉn be ó: «Ebe no, me elɛɛ bɨn ó nɛɛ: asyɛl ga ba e bɨn bʉr o tɨ, tiibe e nyɔmlʉ. Asyɛl ga ba nteme e monyʉl mɨn, tiibe e mompor.

Nteme, Zyɛm, nye egʉa tolɔɔ mɨkoho mɨ mpuo ndɨ bɨn é mɨlʉ ɨ. Ajoʼo ga bʉa. Bɨn bé é bul buo dime, laa buobuo baatɔlɔ.

«Bɨn bʉr o ndɨ ma daa e bɨntœme lam ɨ, ajoʼo ga bʉa. Sɔŋ win, nye ebee embɨa lé eniŋle bɨn é jwɨ̀ʼa ye.

Beŋɨ ga bɨkpaŋ bi. Byé abe e bɨpeme e montibe. Byé ato é mɨngol yʉʉ gumo. Byé abe e mode mɨkɛɛla é bɨtiʼe nkʉ é monkuna. Zyɛm pa taare dwe bye mode é jɔʼ yiyɛh, a dwɛʼra e bɨn bɛɛ, ndɨ é bul buo dime, laa bɨnɔn ɨ.

Adɨ du ga njɨ mode e monwoʼ bɨn bé óde le enyʉl ɨ. Asyɛl ga ba e bɨn bʉr o tɨ, tiibe e mode.

Bɨka, byé etiʼe muh. Byé nteme sa yé óguhɔ omɛn é duro e. Zyɛm pa taare bœr bye mompor, a dwɛʼra e bɨn! Yé, yé ósa ó, nye l'ayi bœr bɨn, laa naa ɛ? A twaʼbe buʼo yin ɛ!

Sa yiyɛh ndɨ é l'efo e, yé ógwiha. Sa yiyɛh ndɨ fela ɛ, yé ókʉ gʉŋɔ.