Popular Bible Verses from Lucas 11

Share

Sichum qamkuna mana allin runakuna kachkaspa churikichikman allin kaqkunata qochkaptikichikqa, ¿mana-chum hanaq pachapi kaq Taytaykichikqa Chuya Espiritunta mañakuptikichikqa qoykusunkichikman? nispa.

Nikichikmi: Mañakuspaqa chaskinkichikmi, maskaspaqa tarin-kichikmi, qayakuptikichikqa kichaykamusunkichikmi.

Chaynaqa, pipas mañakuqqa chaskinmi, maskaqqa tarinmi, qayakuqtaqa kichaykamunqam.

Chaymi Jesusñataq nirqa: Diosta mañakuspaqa kaynatam ninkichik: Hanaq pachapi kaq Taytayku, sutiki hatunchasqa kachun, munaychakuyniki hamuchun, munasqayki ruwasqa kachun, kay pachapi chaynataq hanaq pachapipas.

Huchaykutayá pampachawayku, imaynam ñoqaykupas mana allin ruwawaqniykuta pampachasqaykuta hina. Amayá tentacionmanqa kachaykuwaykuchu, mana allinmantayá hurqoykuwayku, nispa.

Sapa punchawyá tantaykuta qowayku.

Ñawiqa cuerpopa achkiyninmi. Sichum ñawiki allin kaptinqa cuerpoykipas achkipa huntasqanmi kachkan. Ñawiki mana allin kaptinmi ichaqa cuerpoykipas tutayaypi kachkan.

Mecherotaqa manam pakarunapaqchu ratachina, nitaqmi cajonpa ukunman churarunapaqchu, aswanqa altoman churanapaqmi, chaynapi wasiman yaykuqkunata achkinanpaq.