Popular Bible Verses from JUAN 19

Share

Chaymi Jesusñataq vinagreta malliykuspan nirqa: —¡Tukusqañam! —nispa. Hinaspam umanta kumuykachispa espiritunta Taytanman qoykuspa wañukurqa.

Kaykuna pasakuptinqa Jesusqa yacharqañam tukuy imapa cumplikusqanta, chaymi Bibliapa nisqan cumplikunanpaq nirqa: —Yakunayaruwanmi —nispa.

Jesusmi mamantawan kuyasqan discipulonta rikuruspan mamanta nirqa: —Mamáy, chayqaya wawayki —nispa. Discipulontañataqmi nirqa: —Chayqaya mamayki —nispa. Chay horamantam Jesuspa mamantaqa discipulonña wasinman pusarqa.

Jesusman asuykuspa qawaykuptinkuñataqmi payqa wañurusqaña, chaymi paypa piernantaqa manaña pakirqakuchu. Huknin soldadom ichaqa Jesuspa waqtanta tuksirurqa lanzawan chaymi pawaramurqa yawarwan yaku.

Kaykunaqa sucedekurqa Bibliapi: “Manam pakisqachu karqa tullunqa” niq cumplikunanpaqmi. Huk partepipas nichkantaqmi: “Paykunaqa tuksirusqankutam rikunqaku” nispa.

Jesusmi lloqsirqa cruzninta hombrokuykuspa Uma Tullu Pataman, hebreopi sutinñataqmi Golgota.

Soldadokunañataqmi kichkamanta coronata simpaspanku Jesuspa umanman churarqaku, hinachirqakutaqmi reypa hawa pachanwanpas.