Popular Bible Verses from HECHOS 11

Share

Chaypin huk wata hunt'a iglesiawan huñunakuspa askha runata yachachirqanku. Antioquía llaqtapitaq Jesucristopi iñiqkunata chaymantapacha Cristiano nispa suticharqanku.

Paymi chay llaqtaman chayaspa, Diospa saminchasqanta rikuspa mayta kusikurqan, hinaspan llapankuta kallpacharqan Señorman hap'ipakuspa tukuy sonqo servinankupaq. Bernabeqa sumaq runan karqan, allin iñiyniyoq, Santo Espirituwanpas hunt'a. Askha runakunataq Señorman hap'ipakurqanku.

Ñoqanchismanqa Jesucristopi iñiqtinchismi Santo Espirituta qowarqanchis, chay hinaqa kikin Espiritullatataq paykunamanpas Dios qoshaqtinqa, ¿pitaq ñoqari kani Diosta hark'akunaypaq? nispa. Chayta uyarispataq Jerusalenpi kaq iñiqkunaqa upallakapurqanku, hinaspan Diosta hatunchaspa nirqanku: –¡Chay hinaqa, mana judío runatapas Diosqa munanmi payman kutirikuspa wiñay kawsayniyoq kanankuta! nispa.