Popular Bible Verses from GÉNESIS 13

Share

Lliw hallp'a rikusqaykitan wiñaypaq qosqayki, hinallataq mirayniykimanpas.

Lotpa t'aqarikapusqan qhepatataq, Señor Diosqa Abramta nirqan: —Maypichus kashasqaykimanta allintapuni qhawariy wichayta, urayta, inti lloqsimuyta, inti haykuytawan.

Ñut'u hallp'ata hinan mirayniykita askhayachisaq, pipas ñut'u hallp'ata yupayta atinqa chayqa, mirayniykipas yupasqallataq kanqa.

Chaymi Abramqa Lot-ta nirqan: —Ama ch'aqwasunchu ñoqawan qanwan, amallataq michiqninchiskunapas ch'aqwachunchu, wawqentinmi kanchis riki.

Abramtaq karpanta astaspa rirqan, hinaspan Hebrón qaylla Mamrepi terebinto sach'akuna qayllapi tiyakurqan. Chaypin Señor Diospaq altarta perqarqan.

Hinaqtinmi Lotqa qhawarirqan, hinaspan rikurqan Jordán pampantinta, llapallan qarpayniyoq Zoarkama kasqanta, Señor Diospa huertanta hina, Egipto hallp'ata hina. (Chay hinan karqan manaraq Señor Diosqa Sodomata Gomorrata thunishaqtin).