Popular Bible Verses from GÉNESIS 15

Share

Hinan Señor Diospi iñirqan, chaymi Señor Diosqa payta chaninchaykurqan.

Chaykuna qhepatataq Señor Diosqa rikhuriypi Abramta nirqan: —Abram, ama manchakuychu, ñoqan waqaychasqayki, anchatapuni premiasqayki, nispa.

Payta hawaman pusaspataq nirqan: —Qhawariy hanaq pachata, hinaspa ch'askakunata yupay, atiwaqchus chaykunata yupayta. Ahinan kanqa mirayniyki, nispa.

Huktawantaq Señor Diosqa payta nirqan: —Manan paychu herenciataqa chaskisunki, aswanpas wawaykipunin herenciataqa chaskisunki, nispa.

Señor Diosmi Abramta nirqan: —Yachay, mirayniykiqa hukpa hatun suyunpin karu llaqtayoq kanqa, chaypi kamachi ruwaqmi kanqaku, chaypin ñak'arichisqapas kanqaku tawa pachak watantin.

Hinaqtinmi Abramqa kutichirqan: —Qollana Señor Diosnilláy, ¿ima allinniypaqtaq kanqa mana wawayoq kashaqtiy? Herenciay chaskiqqa chay Damasco llaqta runa Eliezerllan kanqa. Manan wawata qowarqankichu, kayqa wasiypi naceq kamachiymi herenciay chaskiq, nispa.

Chay p'unchaypin Señor Diosqa Abramwan rimanakurqan: —Mirayniykimanmi kay hallp'ata qosaq Egipto mayumantapacha hatun Eufrates mayukama.

Tawakaq miraypitaq mirayniykikunaqa kayman kutimpunqaku, manaraqmi Amor runakunata kaymanta wikch'usaqchu, mana chanin-kayninqa manan sinchiyaykunpuniraqchu, nispa.