Popular Bible Verses from GÉNESIS 32

Share

Chay qharitaq payta nirqan: Manan Jacobñachu sutiyki kanqa, aswanpas Israelmi kapunqa, Dioswanmi hap'inakunki riki, hinallataq runakunawanpas, atiparqankitaq, nispa.

Hinan chay qhariqa nirqan: —Kachariway, pachan paqarinña, nispa. Jacobtaq payman kutichirqan: —Manan kacharisqaykichu manachus saminchawanki chayqa, nispa.

Ahinapi Jacobqa sapallan qhepakurqan. Paywantaq pacha paqariqta huk qhari hap'inakurqan.

Chaymi Jacobqa chayneqta suticharqan Penielta, nirqanmi: Uya puran Dioswan tupani, kawsashaniraqtaq kanpas, nispa.

Qhariqa mana payta atipayta atispataq tupaykurqan teqni muyuna tullu cheqaspi, hinan Jacobpa teqni tullunqa phawarqorqan paywan hap'inakushaqtin.

Chay qharitaq payta nirqan: —¿Iman sutiyki? nispa. Paytaq kutichirqan: —Jacobmi, nispa.

Hinaqtinmi Jacobqa payta tapurqan: —Willaway sutiykita, nispa. Chay qharitaq kutichirqan: —¿Imapaqtaq sutiyta tapuwanki? nispa. Hinaspanmi chaypi samincharqan.

Qanmi kamachiykita lliwpi khuyapayawarqanki, lliwpitaq ñoqapaq hunt'arqankipas, mana chaypaq hinachu kashaqtiypas. Tawnallayoqmi kay Jordán mayuta chimparqani, kunantaq iskay t'aqayoq kapuni.

Chaymi Israel runakunaqa chay p'unchaymanta mana mikhunkuchu chay q'estisqa hank'uta, Jacobta chay q'estisqa hank'unpi tupaykusqanrayku. Chay hank'un teqni tulluq muyunanpi kashan.

Hinaspanmi Jacobqa mañakurqan: Abraham machulaypa Diosnin, Isaac taytaypa Diosnin, Señor Diosníy, qanmi niwarqanki: Kutipuy hallp'aykiman, aylluykiman, ñoqataq qhawarisqayki, nispa.

Kunan qespichiway wawqey Esaumanta, paytan manchakuni, paqtan hamuwanman hinaspa wañuchiwanman wawaykunatawan warmiykunatawan.