Popular Bible Verses from JUAN 15

Share

Ñoqan uvas yura kani, qankunataq k'allmakuna. Ñoqawan huklla kaqqa askhatan rurun. Ñoqaq mana yanapasqaymi ichaqa mana ima ruwaytapas atiwaqchischu.

Ñoqallawanpuni huklla kashaychis, ñoqataq qankunawan huklla kashasaq. Imaynan k'allmaqa kikillanmanta mana ruruyta atinchu, mana uvas yurapi kashaspaqa, chay hinan qankunapas mana atiwaqchischu manachus ñoqawan huklla kashawaqchis chayqa.

Ñoqawanchus huklla kashankichis chayqa, simiykunapas sonqoykichispi kashan chayqa, tukuy ima munasqaykichista mañakuychis, hinan qankunaman qosqa kanqa.

Manan qankunachu ñoqataqa akllakuwarqankichis, aswanpas ñoqan qankunataqa akllakurqaykichis, hinaspan churarqaykichis rispa allinta kawsamunaykichispaq, allin kawsasqaykichismanta ruru hina kashanallanpaq. Chay hinapin Yayamanta sutiypi mañakuqtiykichis pay qosunkichis.

Pillapas amigonrayku wañuqmi aswan munakuq kasqantaqa rikuchikun. Chaymanta aswan munakuqqa manan kanchu.

Mayqen k'allmapas ñoqapi mana ruruqtaqa wit'unmi, ruruq k'allmatataqmi kuchupan, astawan rurunanpaq.

Kaytan kamachiykichis: Qankuna pura munanakuychis, imaynan ñoqapas munakuykichis hinata.

Allintapuni kawsasqaykichiswanmi Yayaqa hatunchasqa, chay hinapin yachachisqaykuna kasqaykichista sut'inchankichis.

Jesusmi nirqan: —Ñoqan cheqaq uvas yuraqa kani, Yayaytaq llank'aq.

Pipas mana ñoqawan huklla kaqqa wit'usqa k'allma hinan wikch'usqa kanqa, hinaspan ch'akipunqa. Chaykunata huñuspan ninaman wikch'uykunku, hinan ruphapun.

Chaykunatan niykichis kusikuyniywan kusikunaykichispaq, chhaynapi anchata kusikunaykichispaq.

Imaynan Yayaqa munakuwan, chay hinatan ñoqapas munakuykichis. Kamachikuyniykunata hunt'ankichis chayqa, munakushallasqaykichispunin, imaynan Yayaypa kamachikuyninkunata hunt'aqtiy payqa munakuwan hinata. Chay hinaqa, kamachikuyniykunata hunt'aychis qankunata munakushanallaypaq.

Kaytan kamachiykichis: Qankuna pura munanakuychis.

Kay pachamanta kawaqchis chayqa, runakunaqa munakusunkichismanmi kaqninkutaqa, aswanpas ñoqan kay pachamanta akllakurqaykichis, chaymi runakunaqa cheqnisunkichis manaña kay pachaqchu kasqaykichisrayku.