Popular Bible Verses from MARCOS 16

Share

Hinaspan paykunata nirqan: —Kay pachantinta riychis, Diosmanta allin willakuykunata llapa runaman willamuychis.

Ñoqapi iñiqkunaqa kay milagrokunatan ruwanqaku: Sutiypin supaykunata qarqonqaku, wak suyu rimaykunatan rimanqaku, mach'aqwaykunatan hoqarinqaku, venenotapas ukyanqaku chayqa, manan paykunata imananqapaschu, onqosqakuna patamanmi makinkuta churaykunqaku, hinan qhaliyanqaku, nispa.

Pipas iñispa bautizachikuqmi qespichisqa kanqa, mana iñiqtaqmi huchachasqa kanqa.

Paykunataq puririspa hinantinpi willamurqanku, kikin Señortaq paykunata yanapaq, milagrokunata ruwaspa willasqankutapas cheqaqchaq.

Chay waynataq warmikunata nirqan: —Ama mancharikuychischu, chakatasqa karqan chay Nazaret llaqtayoq Jesustachu maskhashankichis, payqa kawsarimpunmi, manan kaypiñachu. Qhawaykuychis payta churasqanku cheqasta.

Qhawarispankutaq rumi tanqaqasqataña rikurqanku. Chay rumiqa sinchi hatunmi karqan. Aya p'ampanaman haykuspataq yuraq qoysu p'achayoq waynata paña ladopi tiyashaqta rikurqanku, hinaspan mancharikurqanku.