Popular Bible Verses from JUAN 14

Share

»Yamey keytam jaqipuyaq, i yamey keynítam qoyaq, noqaqa qoyaq manam mundu qonqannowtsu. Ama shonqiykikuna turbakátsuntsu, ni mantsatsuntsu.

Jesusnam nerqan: —Noqam náni ká, i rasonpa kaq, i kawey, manam pí shamuntsu Teytaman, mana noqapa karqa.

»Shonqiykikuna ama turbakátsuntsu; kreyiyankiku Dyosman, noqamanpis kreyiyey.

Shoqakoq, Espiritu Santutam, peytam Teyta kachamonqa jutíchow, peymi yachatsiyashunki llapan kosaskunata i yarpátsiyashunki llapan niyanqaqta.

Mandamyentúkunata katseqqa, i wardaqqa, peymi kuyamaqqa; kuyamaqniqa Teytápapis kuyashqam kanqa i noqapis kuyashaqmi, peymanmi rikátsikushaq.

I noqam rowakamushaq Teytata, i juk Shoqakoqtam qoyáshunki, qamkunawan wiñeypa kanampaq: Tseqeypa Espirituta, peyta manam mundu pwedintsu chaskita, mana rikarnin, ni reqirnin; qamkunaqa reqiyankim, qamkunachowmi yachan, i qamkunawanmi kanqa.

Teytata jutíchow llapan mañakuyashqeykitam, rurashaq, Teyta glorifikashqa kanampaq Tsurichow. Si imatapis jutíchow mañakuyaptikiqa, noqam rurashaq.

»Kuyayamarniqa mandakushqákunata rurayey.

Teytápa wayinchowqa atska wayikunam kan; i mana tseynow kaptenqa; noqa niyaqmanmi karqan, eywá, qamkunapaq sityu alistaqmi.

Noqatsun eywashaq i sityuta alistamushaq, yapeymi shamushaq, kikiymi apayashqeyki, noqa kanqáchow, qamkunapis kayaneykipaq.

Tomasnam nerqan: —Señor, manam musyayatsu meyta eywanqeykita; ¿imanowtaq, reqiyashaq nánita?