Popular Bible Verses from JUAN 21

Share

Mikuriyaptinnam, Simon Pedruta nerqan: —Simon, Jonaspa tsurin, ¿keykunapita masku kuyamanki? Yaskerqannam: —Awmi, Señor; qam musyankim kuyanqaqta. Peynam nerqan: —Achkasníkunata mitsi. Ishkey kutinam nerqan: —Simon, Jonaspa tsurin, ¿kuyamankiku? Pedrunam yaskerqan: —Awmi, Señor, qam musyankim kuyanqaqta. Peynam nerqan: —Úshákunata mitsi. Kima kutinam nerqan: —Simon, Jonaspa tsurin, ¿kuyamankiku? Pedrunam llakikurkorqan kima kutina niptin: “¿Kuyamankiku?” I peynam yaskerqan: —Señor, qam llapantam musyanki; qam musyankim kuyanqaqta. Jesusnam nerqan: —Ushákunata mitsi.

Tseqeypa, tseqeypam neq: Jobinllaraq karqa, kikikim wachakákorqeyki, i munashqeykipam eywaq kanki; awkinna karqa, makikikunatam makyanki, i wachakatsishunki jukmi, i apashunki mana munashqeykipam.

Peynam nerqan: —Malleykikunata jitayey barkapa deréchan kaq ládunman i tariyankim. Tseynam jitayarqan i manam jorqamita pwediyarqantsu allápa atska peskadukuna kaptin.

Simon Pedrunam nerqan: —Eywá peskaqmi. Peykunanam niyarqan: —Noqakunapis qamwan eywashun. Eywar, yeykuyarqan barkaman; tsey ampi manam ni jukta tsariyarqantsu.