Popular Bible Verses from Lʉʉka 17

Share

Pe ʉYesu akamʼbʉʉla akati, “Ɨma, lʉtagha, ʉsokile vwɨmɨla ʉlwɨtɨko lwako!”

Nambe nave ɨkʉkʉhoka kavɨlɨ kavɨlɨ mʉ kɨghono kɨmo, na kugomoka kʉlyʉve kavɨlɨ kavɨlɨ, iiti, ‘Ʉsaghɨle,’ ʉve nsaghɨlaghe!”

Neke jʉmonga mʉ veene, ye avwene asokile, akagomoka ngʼhaningʼhaani kwa Yesu, kʉmo ɨkʉmʉghinia fiijo ʉNgʉlʉve. Ye afikile, akakupama pavʉlongolo pa maghʉlʉ gha Yesu na kʉkʉmhongesia. Ʉmuunhu ʉjuo, alyale Nsamalia.

Lɨno, mulolelelaghe kuuti mʉleke kuvomba ʉluo! “Ʉnnino angakʉhoke, mʼbʉʉle vwɨmɨla ʉvʉhosi vwake; angalaate, nsaghɨle.

ɄYesu akaposia akati, “Navavalasivue avaanhu vooni kɨjigho? Avange budikalʉbale valɨ kʉʉghi?

ɄMʉtwa akavamʉla akati, “Mwale mʉʉve nʉ lwɨtɨko nambe ʉlʉdebe ndavʉle akaveju akadebe fiijo, mwale mʉkʉghʉvʉʉla ʉmpiki ʉnkʉjʉ ʉghʉ kuuti, ‘Kumuka, ghujogheke mʉ nyanja!’ Ghwope ghwale ghʉkʉvakʉnda.

Ʉmuunhu jʉno ilonda kupoka ʉvwʉmi vwake, ʉjuo alambʉsia; neke ʉmuunhu jʉno ikwambʉsia, ʉjuo ɨkʉvʉpoka.

ɄYesu akavavʉʉla avavʉlanɨsɨvua vaake akati, “Ingelo sino sipelela avaanhu kuvomba inyɨvi pwesili, neke ɨga kwa muunhu jʉno ipelela ingelo isio! Lwale luuva kʉba kwa muunhu ʉjuo kupinyilisivua ʉlwala kʉ singo na kutaghua mʉ nyanja, kukila ʉlʉpumuko lʉno kyaikwʉpɨla, vwɨmɨla kʉkʉmwambʉsia jʉmonga mʉ vadebe ava avombe inyɨvi!

“Ndavʉle lʉlyale ifighono ifya Nwaka, fye luliiva ʉnsiki ʉghwa kʉgomoka ne Mwana ghwa Muunhu. Ifighono ifya Nwaka, avaanhu valyale vilia na kunyua, vitoola na kutolua, kuhanga ɨkɨghono kɨla pano ʉNwaka alingiile mʉ safina. Apuo, ɨfula ɨmbaha jɨkatoonya, jɨkavatipula avaanhu vooni.