Popular Bible Verses from Yohanes 1

Share

Menohe raa baro mmat Ait. Ana mmat tna smot Ait to. Yesus ykyas ana yawe, “Ana weto oh mi mamo ku ro Allah wAit.”

Tiwya tinyi tabam refo mkah bombra beta marak fares. Menohe Ait sait ro raa mtu 'Bokyas ro Allah' yhau soo bait wia oh. Ait yhau su ysya Allah, tna Ait fi Allah.

Tiwya Kek reto mama tna mait mram amur. Tna amur reto to, matak mikabuk Kek reto fee. Mno tna Kek reto mhai fee.

Bokyas ro Allah reto haberek mamo raa. Raa retait yama yhau mam tabam refo su ysya anu. Tna amu nmat bo yase rAit oh. Ait tait Ku bum ro Allah yare. Ku rAit sait tomu. Tibyo Allah ysan bo yase rAit beta Ku retait. Ait yhar bo ro ati miwer. Tna Ait tait Raa ro yatmof raa miwer.

Ait tait raa mtu 'Bokyas ro Allah'. Ait tait yfen bombra beta ro mhau mam tabam refo to. Bo sau mbam iso roto aro fee. Ait yafos rAit mhau sai yum. Ait yhau yroon yawyos. Ait fi ybo raa mafos wana msya bombra beta. Yafos ro mhau kʼAit to mnan fi kek. Tna yafos rAit reto mno raa mmat Kek reto. Mno masu maah.

Rabu ti fo, Yohanes ymat he Yesus yama. Tna Yohanes yawe kʼraa ro hre mari ait yawe, “Nmat, Ait ro yama fi. Ait ynan fi domba maku ro Allah ybis yama. Ait tait Raa ro yama yyon iro wanu beta.

Raa ro Ynan fi Kek retait, tiwya yfen tabam refo. Tna yama yhau mam tabam refo ye. Menohe raa ro tabam refo wase Ait. Yesus yfen tabam refo. Tibyo bombra beta to bo wAit. Raa wAit ro tii yfen to, Yesus yama yo kʼana. Menohe raa wAit weto to, ana mawat hawe bo mmat Ait.

Kek ro ati refo mamaʼt tabam refo. Mama mram raa sait-sait.

Watum ranu ro agama Yahudi to, tiwya Allah ykyas kʼMusa. Tna Musa yoo yee kʼanu. Menohe mfo refo Allah ybis Yesus yama yo kʼanu. Ybis yama afo re yerif boatmof rAit. Tna ybis Ait yama afo re kbe raa mhar Allah yhaf, srau rAit.