Popular Bible Verses from Īmbōmbo Sya Batumịgwa 2

Share

Po papo Petelị alinkubāmūla alinkuti: Amụpīndukege, mōsịgwege mwesa mụngamụ ja Jesụ Kilisịtị, ukuti mụbwagege ubuswe bwa mbị̄bị syinụ, po mwịsakwambililaga ikikūngilwa kya Mbepo Mwịkemo.

Balinkulūmīlila ulumanyịsyo nubulilanịsị bwa batumịgwa, nukumenyanịa ikisyesye na mụnyịpụ̄to.

Bōsa balinkwịsula Mbepo Mwịkemo, balinkwanda ukujobela mụndimị isị̄ngị ịtolo, bo mụmo Mbepo ābapaga ukusịjoba.

Nakalīnga ịtolo akōgo kalinkufụma kumwanya, kalinkufwana kōbela kwa mmbelo unkulūmba; kalinkwịsula nnyụ̄mba jōsa iji bātūgēlemo. Po papo sịlinkubabonekela īndimị isị sịlīti sya mōto, syo sịlinkwịtapulanịa, sịlinkutūgala pali bōsa jumo jumo. Bōsa balinkwịsula Mbepo Mwịkemo, balinkwanda ukujobela mụndimị isị̄ngị ịtolo, bo mụmo Mbepo ābapaga ukusịjoba.

Bwịla balinkūmīlisya ukukomāna pamopēne nnyụ̄mba ja NTWA, balinkumenyanịa ikisyesye nnyụ̄mba nnyụ̄mba, balinkulya ifị̄ndu nulusekelo nindụmbụla isangalufụ. Balinkuntụ̄fya Kyala, balinkuja bakūndwe kubāndu umwene UNTWA bwịla ịtolo alinkōngelapo ukubị̄ngisya nkipānga abāndu aba bāpokịgwaga.

Bo ịkujoba bunobuno Kyala ịkuti: Mmasịku ga kūsụlo, nịsakubōnelaga Mbepo gwangu abāndu bōsa, po abānīnụ abalumyana na balīndwana bịsakukụ̄ngụ̄lụ̄kaga, abalumyana bīnụ abatụbwa bịsakufịbonaga ifịsetuka; bope nabanyāmbala bīnụ abakāngale bịsakugogwaga īnjosị.

Abị̄tikị bōsa balinkuja pamopēne, fyosa balinkulīlanịla. Balinkūlisya ifị̄su fyabo nifyuma fyabo, balinkubajabanịa bōsa bo mụmo umụ̄ndu gwesa ālōndelaga.

Po gwesa uju ịsakujijobaga īngamụ ja NTWA, ịsakupokịgwaga.

Ilị̄suba lịsakwịnaga ukuja ngị̄sị, umwesị gwịsakukesēlaga ukufwana ịlopa, bo likāli ukwịsa ilị̄sịku lya NTWA ilịkulūmba ilịsịsya.