Popular Bible Verses from OWALỌ APỌSTELI LẸ TỌN 5

Share

Ṣigba Pita po apọsteli he pò lẹ po gblọn, bo dọmọ, Mìwlẹ ma ha nọ ma setónuna Jiwheyẹwhe hú gbẹtọ.

Podọ egbésọegbésọ to tẹmpli mẹ podọ to owhe dopodopo gbè, yé ma nọ omẹ ma plọ́n, yé ma sọ nọ yẹwheho Jesu Klisti tọn ma dọ.

Ṣigba Pita dọmọ, Ananias, etẹwutu Satani gò ayiha towe mẹ nado klọ Gbigbọ Wiwe, podọ nado de adade whlá sọn akuẹ aigba lọ tọn mẹ? Whenuena é tin to alọ towe mẹ, é ma yín towe titi wẹ? to godo ehe yè sà tọn, é ma sọ tin to huhlọn towe titi mẹ? Etẹwutu wẹ hiẹ lẹn onú he to ayiha towe mẹ? hie ma dolalo hlan gbẹtọ gba, ṣigba hlan Jiwheyẹwhe wẹ. Whenuena Ananias sè ohó helẹ, é jai, bo sọ kú: obu daho sọ jẹ mẹhe sè onú hele pó ji.

Be dinvie yẹn dọ hlan mì, Mì jagù sọn dawe helẹ de, bo sọ gbọ sọn yé go abọẹ: na eyín hónamẹ he kavi azón he jin gbẹtọ tọn, é na yín hihọliai: ṣigba eyín Jiwheyẹwhe tọn wẹ, mìwlẹ ma na sọgan họ ẹ liai gba; na e nikã yín dọ, yè mọ mì to avùnho hẹ Jiwheyẹwhe.