Popular Bible Verses from Gẹnẹsisi 41

Share

Josefu sọ gblọnna Falo, dọmọ, E ma tin to yẹn mẹ gba: Jiwheyẹwhe na na ogbègblọn jijọho tọn Falo.

Falo sọ dọ hlan devi etọn lẹ, dọmọ, Mí sọgan mọ mẹde di ehe hunkọ, omẹ he mẹ gbigbọ Jiwheyẹwhe tọn tin te?

Falo sọ dọ hlan Josefu, dọmọ, Sọle he Jiwheyẹwhe ko hẹn onú he lẹpo zùn yinyọnẹn na we, omẹ zìnzìntọ núyọnẹntọ de ma sọ tin sọ hiẹ gba: hiẹ na tin to owhé ṣie ji, podọ dile ohó towe te wẹ yè na dogán do omẹ ṣie lẹ ji do: kiki to ofìn ji kẹdẹ wẹ yẹn na yín kiklohú we.

E sọ ylọ oyín awetọ tọn dọ Eflaimi : Na Jiwheyẹwhe ko hẹn mi yín sinsẹ́nno to aigba nukunbibia ṣie tọn ji.

Josefu sọ ylọ oyín oplọnji tọn dọ Manassẹ; Na, é dọ, Jiwheyẹwhe ko hẹn mi wọ̀n oya ṣie lẹpo, po owhè otọ́ ṣie tọn lẹpo po.